මහ බැංකු බැඳුම්කර වංචාව සම්බන්ධයෙන් සොයා බලන ජනාධිපති කොමිසම අද (27) පත් කර තිබේ.
ජනාධිපතිවරයා සිය පෞද්ගලික ට්විටර් ගිණුමට පණිවුඩයක් එක්කරමින් එම කොමිසම පත් කල බව නිවේදනය කළේය.
ශ්‍රේෂ්ඨාධිකරණ විනිසුරුවරුන් වන කේ ටී චිත්‍රසිරි, පී එස් ජයවර්ධන සහ විශ්‍රාමික නියෝජ්‍ය විගණකාධිපති කේ වේලුපිල්ලෙයි යන අයවලුන් මෙම කොමිසමේ සාමාජිකයින් බවයි එහි දැක්වෙන්නේ.
ශ්‍රී ලංකා මහා බැංකු බැඳුම්කර වංචාව සම්බන්ධයෙන් පරීක්ෂණ පැවැත්වීමට සහ ඒ සම්බන්ධයෙන් ගතයුතු ක්‍රියාමාර්ග පිළිබඳව සොයා බැලීම සඳහා ජනාධිපති මෛත්‍රීපාල සිරිසේන විසින් මෙම කොමිසම පත් කර ඇත.
මහ බැංකුවේ බැඳුම්කර වංචාව සම්බන්ධයෙන් ඉදිරිපත් කළ කෝප් කමිටු වාර්තාව සම්බන්ධව පාර්ලිමේන්තවේ පැවති විවාදයෙන් අනතුරුව එම වාර්තාව නීතිපතිට යොමු කරන බව කථානායක කරු ජයසූරිය 25 වන බදාදා පාර්ලිමේන්තුවට දැනුම් දුන්නේය.
Facebook Comments
