නිදහස් සන්ධානය මහා සංඝයා නොමඟ යවන බවට එජාපෙන් චෝදනාවක්

0

යෝජිත නව ආණ්ඩුක්‍රම ව්‍යවස්ථාව සම්බන්ධව අසත්‍ය තොරතුරු ප්‍රචාරය කරමින් එක්සත් ජනතා නිදහස් සන්ධානය මහා සංඝරත්නය නොමඟ යවමින් සිටින බවට එක්සත් ජාතික පක්ෂ චෝදනා කරයි.

නව ව්‍යවස්ථාවක් සම්පාදන කිරීමේ ක්‍රීයාවලිය පිළිබඳව හා නව ආණ්ඩුක්‍රම ව්‍යවස්ථාව සම්බන්ධව මල්වතු අස්ගිරි හිමියන් දැනුවත් කිරිමෙන් අනතුරුව පාලිත රංගෙ බණ්ඩාර මන්ත්‍රීවරයා මාධ්‍ය වෙත මේ බව කියා සිටියේය.

“මහ නායක හිමිපාණන් වහන්සේලා, අනු නායක හිමිපාණන් වහන්සේලා ප්‍රමුඛ මහා සංඝරත්නයට වැරදි මත දෙමින් උන්වහන්සේලාත් නොමඟ යවනවා. මේ කටයුතු කරන්නේ අපි නෙමෙයි එදා බුද්ධාගමයි, ඒකීයභාවයයි දෙකම නැති ව්‍යවස්ථාවක් හදන්න ඕන කියපු එක්සත් ජනතා නිදහස් සන්ධාන මන්ත්‍රීවරු.”

එම පිරිස් ව්‍යස්ථා විරෝධි වැඩ කරමින් මහා නායක හා අනු නායක හිමිවරුන්ට බොරු කියමින් උන්වහන්සේලා සහ සමාජ විකෘති කරමින් සිටින බවට මන්ත්‍රීවරයා චෝදනා කළේය.

නව ව්‍යවස්ථාවක් කවුරුවත් ඉල්ලුවේ නැතැයි විපක්ෂයේ පිරිස් ප්‍රකාශ කරන බවත් පවතින ව්‍යවස්ථාව ගෙන ආ දවසේ පටන් සිරිමාවෝ මැතිනියගේ සිට වර්තමානයේ ව්‍යවස්ථාවක් එපා යැයි කියන ජී. එල්. පිරීස් දක්වා අය ව්‍යවස්ථාව අවශ්‍යතාව පිළිබඳ කතා කර තිබෙන බව රංගෙ බණ්ඩාර මාන්ත්‍රීවරයා සිහිපත් කළේය.

වත්මන් ව්‍යවස්ථාව යටතේ ක්‍රියාත්මක විධායක ජනපති ධුරය අහෝසි කිරීම සම්බන්ධව චන්ද්‍රිකා ජනපතිනියත් මහින්ද රාජපක්ෂ හිටපු ජනපතිවරයාත් වත්මන් ජනපති මෛත්‍රීපාල සිරිසේන අදහස් දක්වා ඇති බව පැවැසූ ඒ මන්ත්‍රීවරයා ඒ සම්බන්ධ තොරතුරු ඇතුළත් වාර්තාක් මහා නායක හිමිවරුන්ට ලබා දුන් බව කීවේය.

අමාත්‍යවරුන් වන ලක්ෂ්මන් කිරිඇල්ල, දයා ගමගේ, රංජිත් මද්දුමබණ්ඩාර ඇතුලු පිරිසක් ද මෙම අවස්ථාවට එක් විය.

Facebook Comments

wedding people