සියලුම ජාතීන් අතර සංහිදියාව, සාමය, සහෝදරත්වය හා සෞභාග්‍ය ඇති කිරිම වෙනුවෙන් “නව පුනරුදය” නමින් වැඩ සටහනක් ආරම්භ කරන බවට නිවාස, ඉදිකිරීම් හා සංස්කෘතික කටයුතු අමාත්‍යවරයා ප්‍රකාශ කර තිබේ.
ඒ තුළින් ජාති වාදී සහ ආගම් වාදී ක්‍රියා සම්පූර්ණයෙන්ම නවතාලිය හැකි බවටයි අමාත්‍ය සජිත් ප්‍රේමදාස විශ්වාසය පළ කරන්නේ.
සංස්කෘතික ක්ෂේත්‍රය කේන්ද්‍ර කර ගනිමින් ඉදිරි සති දෙක තුළ “නව පුනරුදය” නමින් ජාතික වැඩසටහනක් දිවයින පුරා ක්‍රියාත්මක කර ඒ හරහා සියලුම ආගමික සිද්ධස්ථාන ගොඩ නැගීමටත්, ආරක්ෂා කිරීමටත් කටයුතු යොදා ඇති බවයි අමාත්‍යවරයා පෙන්වා දෙන්නේ.
අද වන විට මෙරට අන්තවාදය නිර්මාණය වී එය දේශපාලන ආයුධයක් බවට පත්ව විවිධාකාර කුමන්ත්‍රණ සිදුවන කී ඇමැතිවරයා “නව පුනරුදය” ස්ථාපනය කිරීම තුළ එම කුමන්ත්‍රණ පරාජය කිරීමට හැකි බව කියා සිටියේය.
මෙරට ඉපැරණි සංස්කෘතිය හා අභිමානවත් ඉතිහාසය අනුගමනය කරමින් නිවාස, ඉදිකිරීම් හා සංස්කෘතික කටයුතු අමාත්‍යාංශය නව සංවර්ධිත යුගයක් කරා පිය නගන බව ද හම්බන්තොට දිස්ත්‍රික්කයේ ක්‍රියාත්මක ‘සැමට සහන’ වැඩසටහන යටතේ අළුතින් ඉදිකළ තංගල්ල, වාඩිගල මහජන පොළ ජනතා අයිතියට පත් කිරීමේ අවස්ථාවට සහභාගී වෙමින් නිවාස, ඉදිකිරීම් හා සංස්කෘතික කටයුතු අමාත්‍ය සජිත් ප්‍රේමදාස ප්‍රකාශ කර ඇත.
Facebook Comments
