දේශපාලන අවශ්‍යතා පසෙකලා ජනතාවාදී ව්‍යවස්ථාවක් නිර්මාණය කිරීමට කැප වන ලෙසට සාධාරණ සමාජයක් සඳහා වු ජනතා ව්‍යාපාරය ඉල්ලා සිටී.
ව්‍යවස්ථා හැදීම ආණ්ඩු බිහි කිරිමේ තුරුම්පුවක් බවට පත් කරගෙන ඇති බවට චෝදනා කරන එම ව්‍යාපාරයේ ලේකම් පාලිත ලිහිණියකුමාර අකමැති කොටස් ඉවත් කර සියලු දෙනාට පොදු නව ආණ්ඩුක්‍රම ව්‍යවස්තාවක් නිර්මාණය කරන ලෙසට ඉල්ලීමක් කළේය.
“මේ සෙල්ලම් කරන්නේ දොකෝටියක් ජනතාවගේ ජිවිතත් එක්ක. ඒ නිසා කරුණාකරලා අකමැති දේවල් අයින් කරලා, මහ සංඝරත්නය වුනත් මේ වෙලාවේ මේක එපා කියන්න හේතුවක් නැහැ. එපා කියන්න හේතුවක් තියෙනවා නම් ඒක ඉදිරිපත් කරන්න. කාටත් ආණ්ඩු කරන්න පුලුවන් පොදු රටට ගැලපෙන නව ආණ්ඩුක්‍රම ව්‍යවස්ථාවක් හදා ගන්න උනන්දු වෙන්න.” යැයි හෙතෙම කියා සිටියේය.
ජනතාවට අවශ්‍යතාවයන්ට මුලිකත්වය දෙමින් අද වන තුරු ආණ්ඩුක්‍රම ව්‍යවස්ථාවක් බිහි වී නොමැති බවත් ව්‍යවස්ථා නිර්මාණය කර ඇත්තේ බලය රැක ගැනීමේ අරමුණින් බවට සාධාරණ සමාජයක් සඳහා වු ජනතා ව්‍යාපාරයේ පාලිත ලිහිණියකුමාර චෝදනා කළේය.
මහ මැතිවරණයකට යෑම විසඳුම නොවන බව පෙන්වා දෙන සාධාරණ සමාජයක් සඳහා වු ජනතා ව්‍යාපාර සියලු දෙනාගේ සහාය ඇතිව නව ව්‍යවස්ථාවක් සඳහා වු වැඩ පිළිවෙල සකස් කරන ලෙස ද ඉල්ලා සිටියේය.
Facebook Comments
