රාජ්‍ය සම්පත් අයාථා භාවිතාව යටතේ රක්ෂිත බන්ධනාගාර ගත කර සිටි හිටපු නියෝජ්‍ය ඇමැති විනායගමුර්ති මුරලිදරන් හෙවත් කරුණා අම්මාන් දැඩි ඇප කොන්දිසි යටතේ මුදා හැර ඇත.
අදාළ නඩුව අද (07) කැඳවූ අවස්ථාවේ කොළඹ ප්‍රධාන මහේස්ත්‍රාත් ගිහාන් පිලපිටිය විසින් මෙසේ ඇප ලබා දී තිබේ.
රුපියල් දස ලක්ෂයක මුදල් ඇපයක් හා රුපියල් ලක්ෂ පනහ බැගින් වු ශරිර ඇප හතරක් මත හා විදේශ ගමන් තහනමක් පනවමින් ඔහුට ඇප ලබා දුන් අතර සෑම ඉරිදා දිනකය පොලිසියේ පෙනී සිටන ලෙසටද නියෝග කළේය.
කරුණා අම්මාන් විසින් අමාත්‍ය ධුරය දරන සමයේ ජනාධිපති ලේකම් කාර්යාලය මගින් ලබාදුන් රුපියල් කෝටි 9කට අධික වටිනාකමින් යුතු වෙඩි නොවදින රථය සාවද්‍ය ආකාරයට පරිහරණය කළ බව පවසමින් පසුගිය (29) දින පොලිස් මූල්‍ය අපරාධ විමර්ශන කොට්ඨාසය විසින් ඔහු අත්අඩංගුවට ගනු ලැබීය.
Facebook Comments
