FCID ලොක්කා සහ නීතිපති උසාවියට කැඳවයි

0

හිටපු අමාත්‍ය බැසිල් රාජපක්ෂගේ ප‍්‍රතිශෝධන ඇප අයදුමට අදාළව ලබන මස පළමුවෙනිදා කොළඹ මහාධිකරණය හමුවේ පෙනී සිටින්නැයි පොලිස් මූල්‍ය අපරාධ විමර්ශන කොට්ඨාසයේ ස්ථානාධිපතිවරයා සහ නීතිපතිවරයා ඇතුළු වගඋත්තරකරුවන්ට අද (26) නොතීසි නිකුත් කෙරුණා.

එම පෙත්සම කොළඹ මහාධිකරණය හමුවේ අද(26) කැඳවන ලද අවස්ථාවේදි මෙම නියෝගය නිකුත් කරනු ලැබුවා.

දිවි නැගුම සංවර්ධන දෙපාර්තමේන්තුවේ සිදුවූ බව කියන මූල්‍ය අක‍්‍රමිකතාවක් සම්බන්ධයෙන් බැසිල් රාජපක්ෂ හිටපු අමාත්‍යවරයා චෝදනා ලබා සිටින අතර පොලිස් මූල්‍ය අපරාධ විමර්ශන කොට්ඨාසය විසින් ඉකුත් 18 වෙනිදා ඔහු අත්අඩංගුවට ගන්නා ලදී.

ඉන් අනතුරුව කඩුවෙල මහේස්ත‍්‍රාත් අධිකරණය විසින් ලබන මස පළමුවෙනිදා දක්වා ඔහු රක්ෂිත බන්ධනාගාරගත කෙරුණා.

Facebook Comments

wedding people