තැපැල් සේවකයන්ගේ සියලු ඉල්ලීම් ලබාදෙන තුරු 27 අඟහරුවාදා ආරම්භ කළ අඛණ්‌ඩ තැපැල් වර්ජනය නතර නොකිරීමට තැපැල් වෘත්තීය සමිති ඒකාබද්ධ පෙරමුණ තීරණය කර තිබේ.
තැපැල් කාර්යාල සංචාරක හෝටල් කිරීම නැවතීම ඇතුළු ඉල්ලීම් තුනක් සඳහා රජය ස්ථාවර පිළිතුරක් ලබා නොදුනහොත් තැපැල් වර්ජනයේ සම්පූර්ණ වගකීම ආණ්‌ඩුව භාරගත යුතු බවයි එම පෙරමුණේ කැඳවුම්කරු චින්තක බණ්‌ඩාර අවධාරණය කරන්නේ.
වර්ජනය හේතුවෙන් ලිපි සහ පාර්සල් ලක්‌ෂ පහකට අධික ප්‍රමාණයක්‌ තැපැල් කාර්යාල සහ තැපැල් පෙට්‌ටිවල සිරවී ඇති අතර තැපැල් සේවකයන්ගේ නිවාඩු අවලංගු කර වර්ජනය කඩාකප්පල් කිරීමට ආණ්‌ඩුව උත්සාහ ගනිමින් සිටින බව ද චින්තක බණ්‌ඩාර කියා සිටි.
මෙම වර්ජනය හේතුවෙන් මේ වන විට තැපැල් කාර්යාල 4063 ක් සම්පුර්ණයෙන්ම වසා දමා ඇති බවයි තැපැල් වෘත්තීය සමිති ඒකාබද්ධ පෙරමුණ පෙන්වා දෙන්නේ.
Facebook Comments
