සංහිඳියාව ශක්තිමත් කරමින් සෑම ආගමික දර්ශනයක්ම අපේක්ෂා කරන මිනිසුන්ගේ හදවත් එක් කිරීමේ කාර්යයේ දී සැබෑ පණිවිඩකරුවා වන්නේ ආධ්‍යාත්මික නායකයින් බව ජනාධිපතිවරයා පවසයි.
ත‍්‍රිපිටකය, බයිබලය, කුරානය මෙන්ම භගවත්ගීතාව තුළ ද අප බලාපොරොත්තුවන සංහිඳියාවට මග පෙන්වා තිබෙන බව සඳහන් කරන ජනාධිපති මෛත්‍රීපාල සිරිසේන බෞද්ධ භික්ෂුන් වහන්සේ මෙන්ම, හින්දු, ඉස්ලාමීය, කතෝලික සියලු පුජකතුමන්ලාට මෙය සමාජය තුළ ප‍්‍රායෝගිකව ක්‍රීයාත්මක කිරීමේ වගකීම පැවරෙන බව කියා සිටියේය.
අප රට ගොඩනැගුණේ සියලු ජනකොටස් අතර පැවති සාමය සහ සංහිඳියාව නිසා බව ජනාධිපතිවරයා කියා සිටියේ සරසවි කලා සංගමය විසින් මෙය සංවිධානය කර තිබු දංකොටුව, සිංගක්කුලියේ පැවති ‘එරබදු වසන්තම්’ ජාතික හා ආගමික සංහිඳියාව පිළිබඳ සංස්කෘතික ප‍්‍රසංගය සහ ස්වර්ගස්ථ කලාසූරි මර්සලින් ජයකොඩි පියතුමාට උපහාර පිදීමේ උත්සවය අමතමිනි.
සංහිඳියාව යන වචනයට කවුරුන් අපහාස, උපහාස කළ ද මේ රටේ අනාගතය රැදී පවතින්නේ එය නිවැරදිව අර්ථ දක්වමින් සමාජය තුළ යතාර්ථවාදී ලෙස ක්‍රීයාත්මක වූ විට බව පෙන්වා දුන් ජනාධිපතිවරයා අද දවසේ ද සියලු ජන කොටස් අතර සාමය සහ සංහිඳියාව තහවුරු කරමින් ශක්තිමත් ජන පවුරක් ලෙස අප ඉදිරියට යා යුතු බව ද අවධාරණය කළේය.
Facebook Comments
