ප්‍රමිතිය, ආරක්ෂාව සහ රටේ පවත්නා නීතිය යන කරුණු පදනම් කරගනිමින් සම්පුර්ණ හිස් ආවරණ පැලදීම සම්බන්ධයෙන් දැනට ඇතිවී තිබෙන ගැටලු විසදීම සදහා අවශ්‍ය මූලික පසුබිම සකස් කරගත යුතු බව අග්‍රාමාත්‍ය කාර්යමණ්ඩල ප්‍රධානී, නීතිය හා සාමය සහ දක්ෂිණ සංවර්ධන අමාත්‍යවරයා පවසයි.
කෙසේ නමුත් මෙහිදී වඩාත් වැදගත් වනුයේ ජනතාවගේ ආරක්ෂාව බවයි අමාත්‍ය සාගල රත්නායක පවසන්නේ.
ඒ අනුව ජනතාවගේ ආරක්ෂාවට මුල්තැන දී නීති සැකසිය යුතු බවත් ෆුල් පෙස් හෝ සාමාන්‍ය හෙල්මන්ට් හෝ පැළඳිය හැක්කේ යතුරු පැදිය ධාවනය කරන අවස්ථාවේ පමණක් වන අතර ඉන් පරිබාහිරව කාර්යාල, බැංකු හෝ වෙනත් ස්ථානවලට පිවිසීමේදී හෝ පෙළපාලි ආදියේදී නොපැළදියයුතු බව අමාත්‍යවරයා අවධාරණය කරයි.
ඔහු ඒ බව අවධාරණය කර ඇත්තේ ෆුල් පෙස් හෙල්මන්ට් පැළදීම සම්බන්ධයෙන් මතුවී තිබෙන නීතිමය තත්වය පිළිබදව 6 බ්‍රහස්පතින්දා පස්වරුවේ අරලියගහ මන්දිරයේදී පැවති සාකච්ඡාවකදීය.
මෙම සාකච්ජාව සදහා නීතිය හා සාමය සහ දක්ෂිණ සංවර්ධන අමාත්‍යංශයේ ලේකම් ජගත් විජේවීර, ජේෂ්ඨ නියෝජ්‍ය පොලිස්පති චන්දන වික්‍රමසිංහ ඇතුලු ජේෂ්ඨ පොලිස් නිලධාරීන් සහ සමස්ත ලංකා යතුරුපැදි කරුවන්ගේ සංගමයේ ලේකම් චිරන්ත අමරසිංහ මෙන්ම එම සංගමයේ නියෝජිතයන් ද ප්‍රවාහන අමාත්‍යංශයේ සහ මාර්ග ආරක්ෂණ අධිකාරියේ නියෝජිතයන් පිරිසක්ද සහභාගිවී ඇත.
ෆුල් පෙස් හෙල්මන්ට් පැළදීම සම්බන්ධයෙන් ඇති වී තිබෙන . ගැටලුව සම්බන්ධයෙන් අදාල සියලු පාර්ශව සමග සාකච්ජාකොට ලබන සිංහල – හින්දු අලුත් අවුරුද්දෙන් පසු අදාල තීරණ ගතහැකි බවට අමාත්‍යවරයා එහිදී සදහන් කර ඇති බව රජයේ ප්‍රවෘත්ති දෙපාරේතමේන්තුව වැඩි දුරටත් සදහන් කරයි.
Facebook Comments
