පොලිස්පති ගැන තීරණයක් ගන්න පොලිස් කොමිසම රැස්වෙයි

0
1116
Ivory Agency Sri Lanka
wedding people

පොලිස් කොමිසම විසින් ලබා දෙන නිර්දේශ පොලිස්පතිවරයා ක්‍රීයාත්මක නොකිරීම සම්බන්ධව ගනු ලබන ඉදිරි ක්‍රියාමාර්ග පිළිබඳව අද දිනයේ රැස් වී තීරණය කරන බව ජාතික පොලිස් කොමිසම පවසයි.

පොලිස් විශේෂ කාර්ය බලකායේ අණදෙන නිළධාරීවරයා පත්කිරීම සම්බන්ධයෙන් කොමිසම ලබාදුන් නිර්දේශ ක්‍රියාත්මක කිරීමට පොලිස්පතිවරයා මෙතෙක් කටයුතු කර නොමැති බවට පොලිස් කොමිසමේ ලේකම් ආරියදාස කුරේ චෝදනාකර සිටිනවා.

ජ්‍යෙෂ්ඨ නියෝජ්‍ය පොලිස්පති එම්.ආර් ලතීෆ් මහතා පොලිස් විශේෂ කාර්ය බලකායේ අණ දෙන නිළධාරීවරයා ලෙස පත් කිරීමට පොලිස් කොමිසම පසුගියදා නිර්දේශ කරන ලදී.

අගෝස්තු මස 09 වන දින සිට අදාළ පත් කිරීම සිදුකිරීමට නියමිතව තිබුණද මෙතෙක් පොලිස්පතිවරයා විසින් එම පත් කිරීම සිදුකර නොමැති බව වාර්තා වේ.

එම නිර්දේශ ක්‍රීයාත්මක නොකිරීම සම්බන්ධව පොලිස්පතිවරයාගෙන් කරුණු විමසීමට ජාතික පොලිස් කොමිසම තීරණය කර ඇති අතර අද දිනයේ පැවැත්වෙන රැස්වීමේදී ඒ පිළිබඳව අවධානය යොමු කරන බව කොමිසමේ ලේකම් සඳහන් කළේය.

Facebook Comments