GSP+ සහනය කම්කරුවන්ට දෙන්න බල කරන්න බැහැ – යුරෝපා සංගමය

0

සත් වසරකට පසු මැයි 19 වනදා සිට ශ්‍රී ලංකාවට හිමි වන GSP+ බදු සහනයේ ප්‍රතිලාභ ආයතන හිමිකරුවන්ට ලැබුනද එම සහන කම්කරුවන්ට ලබා දීමට ව්‍යාපාරිකයන්ට බල කර නොහැකි බවට යුරෝපා සංගමය පවසයි.

‍බදු සහනය හරහා ලැබෙන වරප්‍රසාද කම්කරුවන්ටත් ලැබිය යුතු බවට ශ්‍රී ලංකාවේ යුරෝපා සංගම් තානාපති තුංලායි මාග් අදහස් පල කර සිටියේ ශ්‍රී ලංකාවට හිමි වු GSP+ බදු සහනය පිළිබඳව අද (16) පැවති මාධ්‍ය හමුවකදීය.

කෙසේ වෙතත් එම සහන කම්කරුවන්ට ලබා දීම සඳහා යුරෝපා සංගමයට කල හැකි මැදිහත් වීමක් නොමැති බවටයි ඔහු එහිදි කියා සිිටියේ.

ශ්‍රී ලංකාව විසින් සිදු කරනු ලැබු මානව හිමිකම් උල්ලංඝනය කිරීම් හේතුවෙන් සත් වසරකට පෙර GSP+ බදු සහනය ලබා දීම යුරෝපා සංගමය මඟින් නවතා දමනු ලැබීය.

GSP+ බදු සහනය හෙවත් වරණීය බදු සහනය ශ්‍රී ලංකාවට යළි හිමි වුවද එම සහනය ලබා ගැනීමට පිළිපැදිය යුතු ජාත්‍යන්තර සම්මුතීන් සියල්ල ලංකාව තුළ අංග සම්පුර්ණ කර නොමැති බව කී යුරෝපා සංගම් තනාපතිවරයා එම සම්මුතීන් ක්‍රීයාවට නැංවීමට ශ්‍රී ලංකා රජය ගන්නා උත්සාහය දැඩිව අධික්ෂණයට ලක් කරන බවද අවධාරණය කළේය.

Facebook Comments

wedding people