රටක් ලෙස බලය බෙදීමකට යායුතු බවත් 13 වන ව්‍යවස්ථා සංශෝධනය ගෙන ආවද එය පොතට පමණක් සීමා වී බලය බෙදී යාම නිසියාකාරව සිදු නොවුන බව සභානායක අමාත්‍ය ලක්ෂ්මන් කිරිඇල්ල පවසයි.
නිදහස ලැබීමෙන් පසු මෙරට සෑම පක්ෂයක්ම ජාතීවාදය ඉදිරියට දමමින් බලය ලබා ගැනීමට උත්සාහ කල බව පෙන්වා දුන් ඇමතිවරයා කිසිදු පක්ෂයක් රට ගැන නොසිතු බවට චෝදනා කළේය.
යුද්ධය අවසන් වුවද ජාතීන් අතර සමගිය ඇති වී නොමැති බවත් සියලු ජාතීන් අතර සමගිය ඇති කිරීමට නම් බලය බෙදීම සිදු කල යුතු බවටයි අමාත්‍ය ලක්ෂ්මන් කිරිඇල්ල අවධාරණය කරන්නේ.
හිටපු ජනාධිපති මහින්ද රාජපක්ෂ 13 වන සංශෝධනයට එහා ගිය බලය බෙදීමක් සම්බන්ධව මුලින්ම ප්‍රකාශ කල බව සිහි කර දුන් ඇමතිවරයා එය ක්‍රීයාත්මක වුයේ නම් අද වන විට ශ්‍රී ලංකාව ලෝකයේ දියුණු රටක් බවට පත් වීමට තිබු බවටයි විශ්වාස කරන්නේ.
Facebook Comments
