පැතිර යන කොරෝනා රෝගී තත්ත්වය හේතුකොට ගෙන ඉතාලිය ඇතුළු රටවල් කිහිපයක සිට ශ්‍රී ලංකාවට පැමිණ සිටින හැට පස් දෙනෙකු හට දින 14 කාලයක් නිවස වලින් බැහැර වීම වළක්වාලමින් අධිකරණ නියෝගයක් නිකුත් කර තිබේ.
අත්‍යවශ්‍ය මානුෂිය කටයුත්තකට හැර වෙනත් කිසිඳු හේතුවක් මත නිසි අවසරයකින් තොරව නිවස් වලින් බැහැරට නොයන ලෙසටයි මාරවිල මහේස්ත්‍රාත්වරයා නියෝග නිකුත් කර ඇත්තේ.
නාත්තන්ඩිය.මාරවිල, කටුනේරිය. සහ මාවිල පදිංචි පිරිසක් හට මාරවිල ප්‍රධාන මහේස්ත්‍රාත් හේෂාන්ත ද මෙල් 17 අඟහරුවාදා මෙම නියෝගය නිකුත් කළේ නාත්තන්ඩිය සෞඛ්‍ය වෛද්‍ය නිළධාරි වෛද්‍ය උපුල් ජයතිලක විසින් අධිකරණයෙන් කළ ඉල්ලීමක් සැලකිල්ලට ගනිමිනි.
මේ වන විට ඉතාලිය ඇතුලු රටවල් කිහිපයකින් මෙරටට පැමිණ සිටින ඇතමුන් නිරෝධායනයට ලක් නොවීමෙන් සහ සෞඛ්‍ය නිළධාරින්ගේ උපදෙස්වලට අවනත නොවී කටයුතු කරමින් සිටින බවත් එවැනි පුද්ගලයන් 65 දෙනෙකු සිටින බවත් සෞඛ්‍ය වෛද්‍ය නිලධාරිවරයා අධිකරණය හමුවේ අනාවරණ කර තිබේ.
සෞඛ්‍ය වෛද්‍ය නිළධාරිවරයා මේ පිළීබඳ දීර්ඝ කරුණු පැහැදිලි කිරීමක් අධිකරණය හමුවේ කර ඇති අතර එය සැලකිල්ලට ගත් විනිසුරුවරයා අදාළ පුද්ගලයන් 65 දෙනා හට වෙන වෙනම නියෝග නිකුත් කර ඇත.
Facebook Comments
