නත්තල සංහිඳියාවට වැදගත් අවස්ථාවක්

0

සාමයේ සහ ප්‍රේමයේ පණිවිඩය ලොවට රැගෙන යන නත්තල ජාතින් අතර සංහිඳියාව සහ සහජීවනය ශක්තිමත් කිරීමට ඉතා වැදගත් අවස්ථාවක් බව ජනාධිපතිවරයා පවසයි.

රටේ අනාගතය සඳහා සෑම විටම ජාතින් අතර සාමය සහ සංහිඳියාව ශක්තිමත් විය යුතු අතර, නැවත රට තුළ යුද්ධයක් ඇති වීමට ඉඩ නොතබා සියලු ජාතීන් සහ ආගමිකයින් අතර සංහිඳියාව ගොඩනැගීමට එක්වන ලෙස මෙම උතුම් නත්තලේදී තමා සියලු දෙනාගෙන් ඉල්ලා සිටින ජනාධිපති මෛත්‍රීපාල සිරිසේන කියා සිටියේ 16 සෙනසුරාදා ති‍්‍රකුණාමලය හින්දු සංස්කෘතික මධ්‍යස්ථානයේ පැවති රාජ්‍ය නත්තල් උත්සවය අමතමිනි.

එකම රටක වෙසෙන එකම ජනතාවක් ලෙස නත්තලේ අරුත ගැඹුරින් බෙදාහදා ගැනීමේ අරමුණින්,පේ‍්‍රමයේ උපත නත්තලයි, තේමාව යටතේ මෙවර ති‍්‍රකුණාමල දිස්ති‍්‍රක්කය කේන්ද්‍රකර ගනිමින් රාජ්‍ය නත්තල් උත්සවය සංවිධානය කර තිබුණි.

මනුෂ්‍යත්වයේ ආලෝකය සෑමවිටම නත්තල සමග උදාවන බව කී ජනාධිපතිවරයා නත්තලේ අරමුණ වන දුප්පතුන් වෙනුවෙන් පහන් ආලෝකය දැල්වීම සඳහා අප සියලුදෙනා වෙත වගකීමක් පැවරී ඇති බව ද වැඩි දුරටත් පෙන්වා දුනි.

Facebook Comments

wedding people