හොර වෙද්දුන්ට වඩා භායනක හොර තෙරපිලා !

0
319
wedding people

විදෙස් රටවල පාඨමාලා හැදෑරූ බව කියමින් තෙරපිවරුන් ලෙස පෙනී සිටිමින් ජනතාව මුලා කිරීමේ ජාවාරමක් සම්බන්ධයෙන් තොරතුරු හෙළිව තිබේ.

මේ පිරිස් පුද්ගලික රෝහල්වල චැනල් සේවා ද සිදුකරනු ලබන බව පැවසේ.

ඇතැමුන් සතුව ඇත්තේ විදෙස් රටක අධ්‍යාපනය ලැබීමටයාමේදී නිකුත් කළ වීසා සහතිකය පමණක් බවද වාර්තා වේ.

මේ සම්බන්ධයෙන් සෞඛ්‍ය අමාත්‍යංශයට තොරතුරු වාර්තා වී ඇති අතර අදාළ තෙරපිවරුන්ට වෛද්‍යවරුන්ගේ සහයෝගයද හිමිව ඇති බව පැවසේ.

මෙවැනි මධ්‍යස්ථාන වැටලීමට සෞඛ්‍ය අමාත්‍යංශයට බලයක් නොවීම නිසා මේ අර්බුදය බැරෑරුම්වී ඇතැයි සෞඛ්‍ය අමාත්‍යාංශයේ ප්‍රකාශකයෙක් ශ්‍රී ලංකා මිරර් සමඟ කියා සිටියේය.

එවැනි ස්ථාන වැටලිය හැක්කේ පොලිසියට බවත් බොහෝ විට එවැනි ස්ථාන පවත්වාගෙන යන්නන් පොලිස් සහයෝගයද ලබාගනිමින් මේවා පවත්වාගෙන යන බව ද ඔහු කීය.

කෙසේවුවද, ඉදිරියේදී අදාළ කේෂත්‍රය විධිමත් කිරීමට අවශ්‍ය පියවර ගැනීමට සෞඛ්‍ය අමාත්‍යවරයාගේ අවධානය යොමුව ඇති බවද ඔහු කියා සිටියේය.

එසේම ඔහු වැඩිදුරටත් කියා සිටියේ පෞද්ගලික රෝහල්වල හොර දොස්තරලාද විශාල වශයෙන් සිටින බවත්, ඔවුන් ද නීතියේ ග්‍රහණයට ගත හැක්කේ රටේ පවතින නීති රීතිවලට අනුව පොලිසියට බවයි.

(Srilanka Mirror)

Facebook Comments