උතුරේ ජන සංහාර සතිය ඇරඹේ

0

යුද්ධයෙන් ඝාතනය කෙරුණ තම ආදරණියන් සිහි කරමින් අනුස්මරණය කෙරෙන ජන සංහාර සතිය අද (12) ආරම්භ විය.

උතුරු පලාත් සභාවේ මැති ඇමතිවරුන්ගේ ප්‍රධානත්වයෙන් ජන සංහාර අනුස්මරණ සතිය ආරම්භ වු අතර සතිය අවසන් වන්නේ උතුරේ මහ ඇමැති ප්‍රධානත්වයෙන් මුල්ලිවයික්කාල් සමරුව පැවැත්වෙන මැයි දහ අට වැනිදාය.

චන්ද්‍රිකා බණ්ඩාරනායක කුමාරතුංග පාලන සමයේ ඝාතනය කරන ලද සිය ගණනක් වල දමා ඇති බවට සැක කෙරෙන යාපනයේ චෙම්මනියේ පහන් දැල්වීමෙන් අනුස්මරණ සතිය ආරම්භ කල බව පැවසු සංවිධායකයින් සතිය පුරාවටම උතුරු හා නැගෙනහිර විවිධ ස්ථාන වලදී සැමරුමි සිදු කරන බවද පැවසීය.

මෝදිට විරෝධය

දෙමළ ජන සංහාරයට සහය දැක්වු ඉන්දීය අගමැතිවරයා දෙමළ ජනයා ශෝක සැමැරුමක යෙදෙන අවස්ථාවක ශ්‍රී ලංකා රජය සමඟ විනෝද වීමට පැමිණි බවට උතුරේ පළාත් සභා මන්ත්‍රිනී අනන්දි ශෂිධරන් චෝදනා කළාය.

මර දමන ලද දහස් සංඛ්‍යාත දෙමළ ජනතාව අනුස්මරණය කරන මොහොතක ඉන්දීය අගමැතිවරයා වෙසක් උත්සවයේ ප්‍රධාන අමුත්තා වීම වර්ග සංහාර සතිය සංවිධායකයින්ගේ දැඩි දෝෂ දර්ශනයට ලක්ව ඇත.

මේ අතර මරා දමන ලද දෙමළ ජනතාවගේ නම් කෙටු ශිලා පුවරුවකින් යුත් සිහිවටනයක් ඉදිකිරීම් ද මේ දින වල සිදු වෙමින් පවතී.

Facebook Comments

wedding people