යුද්ධයෙන් සාමය ඇති කළ නොහැකි – රාජිත සේනාරත්න

0

යුද්ධයෙන් ත්‍රස්තවාදය තුරන් කලද සාමය උදා කල නොහැකි බව සෞඛ්‍ය, පෝෂණ හා දේශීය වෛද්‍ය අමාත්‍යවරයා පවසයි.

සාමය ගෙන ඒමට හැකි නායකයකු පසුගිය කාලයේ රට තුළ නොසිටි බව පවසන රාජිති සේනාරත්න ඇමතිවරයා චෝදනා කරන්නේ රටේ කැරළි ඇති වුයේ දේශපාලනඥයන් නිසා බවටයි.

වෛද්‍ය රාජිත සේනාරත්න ඒ බව පැවසුයේ බේරුවල අයි.එල්.එම් සම්සුදීන් විද්‍යාලයේ පැවැති උත්සවයකට එක්වෙමින් බවයි රජය පවසන්නේ.

1970 සිට මේ දක්වා ව්‍යවස්ථා සංශෝධන ඇති කළේ රාජ්‍ය නායකයාට වාසි සහගත ලෙස බවත් වර්තමාන ජනාධිපතිවරයා තම බලතල වෙනස් කරමින් දන් දීමේ ක්‍රමයක් ආරම්භ කඵ බවයි ඇමතිවරයා අවධාරණය කරන්නේ.

වසර දෙකකට පෙර මහින්ද රාජපක්ෂ මැතිවරණය පැත්වීම ජනතාවගේ වාසනාවක් බව පවසන ඇමතිවරයා එයට මුහුණ දී පවුල් පාලනය අවසන් කළ බවද පැවසීය.

 
ජාතිවාදය ඇති කළේ දේශපාලන පක්ෂ

රටේ ජාතිවාදය ඇති කළේ දේශපාලන පක්ෂ විසින් බවට ‍චෝදනා කළ රාජිත සේනාරත්න ඇමතිවරයා පැවසුවේ එවැනි ආකාරයෙන් පක්ෂ විසින් රට විනාශ කළේ බලය ලබාගැනීම සදහා බවටයි.

සිංහලයන් තුළ පමණක් නොව ද්‍රඩිඩ, මුස්ලිම්, ජාතීන් අතර ද ජාතිවාදය ඇති බව පෙන්වා දෙන ඇමතිවරයා දරුවන්ගේ මොළයටත් ජාතිවාදය ඇතුලු කර රට විනාශ කිරීමට උත්සාහ කරන්නේ දේශපාලනඥයින් විසින් බවයි වැඩි දුරටත් සඳහන් කළේ.

Facebook Comments

wedding people