රැකියා සුරක්ෂිතභාවය ඉල්ලා උද්ඝෝෂණයේ යෙදී සිටින සේවකයින් බ්‍රහස්පතින්දා දහවල් 02 වන විට සේවයට වාර්තා නොකලහොත් සේවය හැර ගියා සේ සැලකීමට රජය තීරණය කර ඇත.
අද (14) පැවති මාධ්‍ය හමුවකදී වරාය හා නාවික අමාත්‍ය අර්ජුන රණතුංග මේ බව පැවසීය.
මේ වන විට හම්බන්තොට වරායට පැමිණීමට තිබු නැව් කිහිපයක් කොළඔට හා වෙනත් රට වල වරායන් වෙත යවා ඇති බවද අමාතයවරයා මෙහිදී කියා සිටියා.
රජයක් හැටියට රටට පැමිණෙන ආදායම වළාක්වා ගත නොහැකි බව පෙන්වා දෙන ඇමතිවරයා පවසන්නේ සේවකයින් හෙට වන විට සේවයට වාර්තා නොකලහොත් වෙනත් අය සේවයට බදවා ගන්නා බවත් එතෙක් කොළඔ සේවකයන් යොදවන බවත්ය.
චමල් රාජපක්ෂ මැදිහත්ව සේවකයන් කිහිප දෙනෙක් සාකච්ඡා සඳහා තමන් වෙත යොමු කල බව පැවසු ඇමතිවරයා පෙන්වා දෙන්නේ ඔවුන්ට සත්‍ය පැහැදිලි කර දුන් බවයි.
දේශපාලන අවශ්‍යතා සඳහා යට නොවී සේවයට වාර්තා කරන ලෙස ඇමතිවරයා සේවකයන්ගෙන් ඉල්ලීමක් කර අතර සේවයට වාර්තා නොකරන පුද්ගලයින් සේවය හැර ගියා සේ සැලකීමට රජය තීරණය කර අවසන් බව අවධාරණය කළේය.
Facebook Comments
