ව්‍යවස්ථාව ගැන කියන කතා අන්ධයෝ දැකපු අලිය වගේ (VIDEO)

0
Ivory Agency Sri Lanka
wedding people

යෝජිත නව ව්‍යවස්ථාව සම්බන්ධව ඇතැමුන් සිදු කරන ප්‍රකාශ බුදුන්ගේ සමයේ සිටි අන්ධයින් අලියාගේ හැඩ රුව විස්තර කල ආකාරයට අර්ථ නිරූපනය කරන බව බෞද්ධ හිමි නමක් පවසනවා.

කොබ්බෑකඩුව, නෙල්ලිගල ජාත්‍යන්තර බෞද්ධ මධ්‍යස්ථානයේ ඉදිකරන ලද ශාක්‍යසිංහ සුගන්ධ කුටිය ශාසනයට පූජාකිරීමේ උත්සවයට එක්වෙමින් රංගිරි දඹුලු රජමහ විහාරාධිපති ආචාර්ය ගොඩගම මංගල නා හිමි මේ බව පැවසීය.

විවිධ පුද්ගලයන් තමන් නොදැකපු ව්‍යවස්ථා සංශෝධන තමන් සිතන ආකාරයට අර්ථ දක්වන ගමන් මල්වතු අස්ගිරි හිමිවරුන් මේ සම්බන්ධව නිශ්ෂබ්ද බවට චෝදනා කරන බවද එහිමියන් කියා සිටියේය.

වගකිව යුතු ජුජ්‍යය පාර්ශවයක් ලෙස එසේ අස්ගිරි මල්වතු පාර්ශවයේ හිමියන්ට වගකීමෙන් තොර ප්‍රකාශ නිකුත් කළ නොහැකි බවටයි ගොඩගම මංගල නා හිමියන් අවධාරණය කර සිටියේ.

මහ නාහිමියන් අතීතයේ සිටම රාජ්‍යයේ පැවැත්ම සඳහාත් ජනතාවගේ අභිවෘද්ධිය වෙනුවෙන් කටයුතු කළ බව එහිමියන් පවසා සිටියේ යෝජිත ව්‍යවස්ථාව ගැසට් කිරීමට පෙර මහා නාහිමියන්ට ඉදිරිපත් කර උන්වහන්සේලාගේ අදහස් ලබා ගන්නා ලෙස රජයෙන් ඉල්ලීමක් ද කරමින්ය.

බෞද්ධාගම ගැන සැකයක්

අග්‍රමාත්‍යවරයා සංහිඳියාව ගැන කථා කරන අවස්ථාවකදී “සංහිඳියාව බෞද්ධයන්ටත් තියනවා මල්වතු මහා විහාරයේ මහා නායකටත් තියෙනවා” යනුවෙන් ප්‍රකාශ කිරීම මහා නායක හිමිවරුන්ට අගෞරවයක් බවයි උන්වහන්සේ පෙන්වා දෙන්නේ.

යෝජිත ව්‍යවස්ථාව මගින් බුද්ධාගමට පුමුඛස්ථානය ලබා දෙන බවට ප්‍රකාශ කර තිබුණද මෙවැනි ප්‍රකාශ තුළින් ඒ පිළිබඳව සැක මතු වන බව ආචාර්ය ගොඩගම මංගල නා හිමියන් වැඩි දුරටත් අවධාරණය කළේය.

Facebook Comments