ඉදිරි ජනාධිපතිවරණයට ඉදිරිපත් වන ලෙසට තමන් වෙත ද ඉල්ලීම් ලැබෙන බවට ශ්‍රී ලංකාවේ ආදිවාසී නායකයා ප්‍රකාශ කර තිබේ.
රට පාලනය කිරීමට දක්ෂතාවය සහ හැකියාව ඇති බවට විශ්වාසය පළ කරන වනස්පති ඌරුවරිගේ වන්නිල ඇත්තෝ එහෙත් දේශපාලන මඩගොහොරුවේ එරෙන්නට කැමැති නැති බවයි පෙන්වා දෙන්නේ.
සිය 72 වැනි ජන්ම දිනය වෙනුවෙන් 14 සිකුරාදා දඹාන මාවරගල ආරණ්‍ය සේනාසනයේදී බෞද්ධ ආගමික වැඩසටහන් වලට එක්වීමෙන් අනතුරුව දඹාන ආදිවාසී නායක වනස්පති ඌරුවරිගේ වන්නිල ඇත්තෝ මේ බව මාධ්‍ය වෙත පැවසීය.
“ජනාධිපතිවරයට ඉදිරිපත් වන්නැයි මටත් විවිධ පාර්ශවයන්ගෙන් ඉල්ලීම් තිබෙනවා. ඒ සඳහා දක්ෂතාවය සහ හැකියාව නම් ම්ට තිබෙනවා. නමුත් ඔය මඩගොහොරුවේ එරෙන්න මම කැමති නැහැ.”
රටට, සංස්කෘතිකයට හා පරිසරයට ආදරය කරන කෙනෙක් රටේ නායකයා වීම අත්‍යාවශ්‍ය බවයි දඹාන ආදිවාසී නායක වනස්පති ඌරුවරිගේ වන්නිල ඇත්තෝ වැඩි දුරටත් සඳහන් කර ඇත්තේ.
Facebook Comments
