යාපනය විද්‍යා දැරිගේ සිද්ධියට අදාළව රක්ෂිත බන්ධනාගාර ගත කර සිටින ජ්‍යේෂ්ඨ නියෝජ්‍ය පොලිස්පති ලලිත් ජයසිංහගේ වැඩ තහනම් කිරීමට ජාතික පොලිස් කොමිසම අනුමැතිය ලබාදී තිබේ.
ජ්‍යේෂ්ඨ නියෝජ්‍ය පොලිස්පතිවරයාගේ වැඩ තහනමි කරන ලෙසට පොලිස්පතිවරයා කරන ලද ලිඛිත ඉල්ලීමකට අනුව ඒ සඳහා අනුමැතිය ලබා දුන් බව පොලිස් කොමිසම පවසයි.
පොලිස්පතිවරයාගේ ඉල්ලීම සම්බන්ධව සලකා බැලීම සඳහා 20 බ්‍රහස්පතින්දා ජාතික පොලිස් කොමිසමේ විශේෂ රැස්වීමක් පැවැත්වු අතර එහිදි මෙම තීරණයට එළඹ ඇත.
යාපනය විද්‍යා දැරියගේ සිද්ධියේ ප්‍රධාන සැකකරුට පැනයාම සඳහා ආධාර අනුබල ලබා දුන් බවට එල්ල වූ චෝදනා මත ලලිත් ජයසිංහ පසුගිය 15 වනදා අපරාධ පරීක්ෂණ දෙපාර්තමේන්තුවේ නිලධාරීන් විසින් අත්අඩංගුවට ගනු ලැබු අතර කයිට්ස් වැඩ බලන මහේස්ත්‍රාත්වරයා හමුවට ඉදිරිපත් කළ ඔහු ලබන 25 වනදා දක්වා රක්ෂිත බන්ධනාගාර ගත කිරීමට නියෝග කෙරුණි.
Facebook Comments
