ඩෙංගු මදුරුවට ඩෙංගු වෛරසය එන්නෙ ඩෙංගු රෝගියාගෙන් – අශෝක අභයගුණවර්ධන

0

ඩෙංගු මදුරුවාට ඩෙංගු වෛරසය ඇතුල් වන්නේ ඩෙංගු රෝගීන්ගෙන් බව පවසන උපායමාර්ගික ව්‍යවසාය කළමනාකරණ ආයතනයේ සභාපතිවරයා ඩෙංගු මදුරුවා ඩෙංගු වෛරසයෙන් තොර කර ගැනීම ඩෙංගු රෝග පැතිරීමට පිලියමක් බව අවධාරණය කරයි.

ඩෙංගු වෛරසය හා වාහකයා (රෝගය පැතිරවීම කරන්නා) අතර සම්බන්ධය පාලනය කිරීම සඳහා රෝගියාගේ හැසිරීම පාලනය කිරීමට ප්‍රමුඛත්වයක් ලබා නොදීම බරපතල වරදක් බව උපායමාර්ගික ව්‍යවසාය කළමනාකරණ ආයතනයේ සභාපති හා ප්‍රධාන විධායක නිලධාරී අශෝක අභයගුණවර්ධන පෙන්වා දෙයි.

එසේ රෝගියා හා වාහකයා අතර සම්බන්ධය වැලැක්වීම ප්‍රතිකාරවල කොටසක් බවත් පෙන්වාදෙන හෙතෙම එය රෝගය ආවේක්ෂණය කිරීමට අදාළ ප්‍රබල මහජන සෞඛ්‍ය ක්‍රියාකාරකමක් බවත් කීය.

කෙසේවුවද ඒ සඳහා කරනු ලබන මැදිහත්වීම පුදුම සහගත අවම මට්ටමක පවතින බවද අශෝක අභයගුණවර්ධන කියා සිටී.

මෙතෙක් සෞඛ්‍ය කේෂත්‍රයෙන් ඉදිරිපත්ව ඇති වැඩසටහන්වල වාහකයා බෝවීම වැලැක්වීම සඳහා පමණක් අවධානය යොමුව තීබීම මේ තත්ත්වයට හේතුව බවත් උපායමාර්ගික ව්‍යවසාය කළමනාකරණ ආයතනයේ සභාපතිවරයා චෝදනා කර සිටී.

Facebook Comments

wedding people