දකුණතින් අතුරුදහන් කාර්යාලය පිහිටවු ජනපති වමතින් සුදු වෑන් එවයි (VIDEO)

0
2058
Ivory Agency Sri Lanka
HailHost
wedding people

අතුරුදහන් වුවන් පිළිබඳව කාර්යාලීය පනත බලාත්මක කරමින් ජනාධිපතිවරයා එයට අත්සන් කල දිනයේම පැහැරගැනීම් සහ අතුරුදහන් කිරිම් සම්බන්ධව කුප්‍රකට සුදු වෑන් රථයකින් පැමිණි කල්ලියක් සිසු නායකයෙකු පැහැර ගැනිමේ අසාර්ථක උත්සාහයක යෙදුනහ.

දේශපාලන පක්ෂ නායකයන්, වෘත්තීය සමිති නියෝජිතයන්, වෛද්‍ය පීඨ දෙමාපිය සංගම් නියෝජිතයන් හා ශිෂ්‍ය නියෝජිතයන් මහත් පරිශ්‍රමයක් දරා සිවිල් ඇඳුමින් සැරසී නන්නාඳුනන කල්ලිය වෛද්‍ය පීඨ ශිෂ්‍ය ක්‍රියාකාරී කමිටුවේ කැඳවුම්කරු රයන් ජයලත් සුදුවෑන් රියකින් බලහත්කාරයෙන් රැගෙන යාමට දැරු උත්සාහය වලක්වා ලන්නට සමත් විය.

පසුව පොලිස් නිල ඇඳුමින් සැරසුන පොලිස් නිලධාරින් එම ස්ථානයට පැමිණි අතර සිවිල් ඇඳුමි හැඳ සුදු වෑන් රියෙන් පැමිණියේ පොලිස් නිලධාරීන් බවයි නිල පොලිස් භට පිරිසේ ප්‍රධානියා පවසා සිටියේ.

සුදු වෑන් රියෙන් පැමිණි පිරිස රයන් ජයලත් අත්අඩංගුවට පැමිණි බව කී ජ්‍යෙෂ්ඨ පොලිස් නිලධාරියා සිසු නායකයාට එරෙහිව අධිකරණයෙන් ලබාගෙන තිබෙන වරෙන්තුව ඉදිරිපත් කිරීමට අසමත් වු අතර ඔහු අත් අඩංගුවට ගැනීමට වරෙන්තුවක් අනවශ්‍ය බවට තර්ක කළේය.

තවමත් සුදු වෑන්

අන්තර් විශ්ව විද්‍යාල ශිෂ්‍ය බල මණ්ඩලය විසින් සංවිධානය කරන ලදුව ඉකුත් ජූනි 21 වැනිදා පැවති විරෝධතා ව්‍යාපාරයේදී පොලිසිය විසින් අත්අඩංගුවට ගැනුණු සිසුන් අවම වශයෙන් පස් දෙනෙක්වත් මේ වනවිටත් රිමාන්ඩ් බන්ධනාගාර ගත කරනු ලැබ සිටිති.

එසේම අධිකරණය මගින් අන්තර් විශ්වවිද්‍යාල භික්ෂු බලමණ්ඩලයේ වැඩබලන කැඳවුම්කරු රත්කරව්වේ ජිනරතන හිමි, අන්තර් විශ්වවිද්‍යාල ශිෂ්‍ය බලමණ්ඩලයේ වැඩබලන කැඳවුම්කරු මංගල මද්දුමගේ ඇතුළු වෛද්‍ය පීඨ ශිෂ්‍ය ක්‍රියාකාරී කමිටුවේ කැඳවුම්කරු රයන් ජයලත්, විශ්ව දන්දෙණිය, අමිල සඳරුවන්, සනත් බණ්ඩාර, චින්තක සිරිමෙවන් සහ මහගල්වැව රාහුල හිමි යන ශිෂ්‍ය ක්‍රියාකාරිකයන් ද අත් අඩංගුවට ගැනීමට වරෙන්තු නිකුත් කර තිබුණි.

සුදුවෑන් පැහැරගැනීම් සහ අත් අඩංගුවේදි වධහිංසා පැමිණ වීම් වර්තමාන රජය යටතේත් සිදුවන බවට පසුගියදා ශ්‍රී ලංකාවට පැමිණි එක්සත් ජාතීන්ගේ විශේෂ නියෝජිත බෙන් එමර්සන් සිය වාර්තාව හරහා චෝදනා කල අතර එම චෝදනා බැහැර කරන බව සම කැබ්නට් ප්‍රකාශක රාජිත සේනාරත්න 19 බදාදා පැවති කැබ්නට් මාධ්‍ය හමුවේදී කියා තිබුණි.

Facebook Comments

HailHost