වැලිකඩ බන්ධනාගාරයේදී විසි හත් දෙනකු ඝාතනය කරන අවස්ථාවේ එම ඝාතනය ඇසින් දුටු ප්‍රධාන සාක්ෂිකරුගේ නිවසට වෙඩි ප්‍රහාරයක් එල්ල කර තිබේ.
තමන් තාවකාලිකව නැවතී සිටින මොරටුවේ පිහිටි තම සහෝදරියගේ නිවසට 04 සඳුදා රත්‍රී 11ට පමණ කිසියම් පිරිසක් විසින් වෙඩි ප්‍රහාරයක් එල්ල කල බව බන්ධනාගාර රැඳැවියන්ගේ අයිතිවාසිකම් සුරැකීමේ කමිටුවේ ලේකම් සුදේශ් නන්දිමාල් සිලෝන් ජර්නල්ස් හා පැවසීය.
වැලිකඩ සමුල ඝාතනය සම්බන්ධයෙන් මීට පෙරද කරන ලද තර්ජන වල දිගුවක් ලෙස මෙම ප්‍රහාරය සැලකිය හැකි බවයි සුදේශ් නන්දිමාල් පෙන්වා දෙන්නේ.
“මම දන්නවා මේ කරන්නේ වැලිකඩ ඝාතන සිද්ධියේ ඇසින් දුටු සාක්ෂිකාරයා හැටියට මේගොල්ලො උත්සාහ කරනවා මගේ කට වහන්න” යි හෙතෙම කියා සිටී.
මීට පෙරද මොරටුව ප්‍රදේශයේදීම මහමඟ රැක සිටි පිරිසක් විසින් වැලිකඩ ඝාතනය සම්බන්ධ නඩුව‍ට සාක්ෂි දීමෙන් ඉවත් නොවන්නේ නම් මරා දමන බවට තර්ජනය කර තිබු අතර ඉන් පසුව දුරකතනය ඔස්සේද සුදේශ් නන්දිමාල් හට මරණ තර්ජනය කර තිබුණි.
Facebook Comments
