ජාතික ප්‍රශ්නයට විසඳුමක් ලෙස බලය බෙදා හැරීමට ඉඩ ලබා දුන්නේ නම් රට තුල යුද්දයක් ඇති නොවන බව ජනාධිපතිවරයා පවසයි.
බණ්ඩාරනායක චෙල්වනායගම් ගිවිසුමත් එක්ක එදා බලය බෙදෙන්න දුන්නා නම් මේ රටේ ප‍්‍රභාකරන් කෙනෙක් ඇති නොවන බව මෙන්ම ඉන්පසුව බලය බෙදීම මුල්කර ගනිමින් ඩඩ්ලි සේනානායක චෙල්වනායගම් එක්ක ඇතිකරගත් ගිවිසුම ක්‍රීයාත්මක කිරීමට ඉඩ ලබා නොදීමෙන් රට යුද්දයකට තල්ලු වු බවයි ජනාධිපති මෛත්‍රීපාල සිරිසේන පෙන්වා දෙන්නේ.
එස්.ඩබ්ලිව්.ආර්.ඩී බණ්ඩාරනායක මෙරටේ බලය බෙදීමේ නිර්මාතෘවරයා ඉව ජනාධිපතිවරයා කියා සිටියේ “නොකිලිටි ගමනක් ජන බලය – හරි අතට” තේමාව යටතේ 03 ඉරිදා පැවති ශ්‍රී ලංකා නිදහස් පක්ෂයේ 66 වන සංවත්සර උත්සවය අමතමිනි.
ලෝකයේ කිසිම රටක අභ්‍යන්තර යුද්ධයක් තිබෙන විට ඒ රටේ ඉන්න මිනිස්සු බෙදී කටයුතු නොකරන බව කී ජනාධිපතිවරයා අපේ රටේ මිනිසුන් ඒ අවස්ථාවේදීත් පක්ෂ වශයෙන් බෙදී වෙන් වී සිටි බවට චෝදනා කළේය.
“2015 ජනවාරි 08 න් පස්සේ ඒ බෙදීම නැතිව ලෝකයේ සෑම රාජ්‍ය නායකයෙකුටම, සෑම ආණ්ඩුවකටම ජාත්‍යන්තර සංවිධානවලට ගිහිල්ලා අපි බෙදීමක් නැතිව එකට කතා කරලා කිව්වා අපි දැන් එකට ආණ්ඩු කරන්නේ අපේ මතය මේකයි කියලා. අපි ඒ සියලුදෙනාට සහතික වුණා නිදහස, ප‍්‍රජාතන්ත‍්‍රවාදය, සංහිඳියාව, සමගිය, මානව හිමිකම් පිළිබඳව. ඒ ප‍්‍රතිඵල අද තිබෙනවා.” යි ජනාධිපතිවරයා වැඩි දුරටත් පැවසීය.
Facebook Comments
