සෞඛ්‍ය අමාත්‍යංශයට කඩා වැඳුන විශ්ව විද්‍යාල සිසුන්ට පොලිසිය සහ පොලිස් විශේෂ කාර්ය බලකාය එල්ල කළ ප්‍රහාරය සම්බන්ධයෙන් ජාතික පොලිස් කොමිසම පොලිස්පතිවරයාගෙන් වාර්තාවක් කැඳවා ඇත.
මෙම පහර දීම සම්බන්ධයෙන් මෙතෙක් පොලිස් කොමිසම වෙත කිසිදු පැමිණිල්ලක් ලැබී නොමැති බව පවසන ජාතික පොලිස් කොමිසම මුද්‍රිත හා විද්‍යුත් මාධ්‍යවල පළවු වාර්තා සැලකිල්ලට ගෙන මෙම වාර්තාව කැඳවු බවයි පවසන්නේ.
මාලඹේ පුද්ගලික වෛද්‍ය විද්‍යාලයට එරෙහිව විරෝධතාවක් දක්වමින් 21 බදාදා සෞඛ්‍ය අමාත්‍යාංශය වැටලු සිසුන්ට පොලිසිය සහ පොලිස් විශේෂ කාර්ය බලකාය ඒකාබද්ධව පහරදී පලවා හැර තිබුණි.
මෙම පහර දීමෙන් සරසවි සිසු සිසුවියන් 80 වැඩි ප්‍රමාණයක් තුවාල ලැබු බවයි අන්තර් විශ්ව විද්‍යාල ශිෂ්‍ය බල මණ්ඩලය සඳහන් කරන්නේ.
Facebook Comments
