හමුදාවත් හවුල්වී කරන සිංහරාජ විනාශයට එරෙහිව ජාත්‍යන්තර පෙත්සමක්

0
Ivory Agency Sri Lanka
wedding people

ශ්‍රී ලංකා යුද හමුදාවද හවුල් වී ලෝක උරුම සිංහරාජ වැසි වනාන්තරයේ වනය වනසමින් කෙරෙන මාර්ග තැනිම නැවැත්වීමට ජාත්‍යන්තර පෙත්සමක් අත්සන් කිරීම ආරමිභ කර තිබේ.

ප්‍රංශයේ අවාස් පරිසර කංඩායම සමග එක්ව දියත් කර ඇති එම පෙත්සමට මෙම යොමුව භාවිත කරමින් අත්සන තබන ලෙස ලංකාවාසී සියලු පරිසර හිතකාමී ජනතාවගෙන් පරිසර හා සොබාදහම් අධ්‍යයන මධ්‍යස්ථානයේ ජාතික සම්බන්ධීකාරක රවීන්ද්‍ර කාරියවසම් ඉල්ලා සිටී.

යුද හමුදාවේ මැදිහත්වීම

ලෝක උරුම සිංහරාජ වැසි වනාන්තරයේ මායිමේ පිහිටා ඇති ලංකාගම සිට දෙණියාය දක්වා වන මැදින් මාර්ගයක් ඉදිකිරීම මේවන විට යුද හමුදාව මගින් සිදු කරමින් සිටින බව ‘පරිසර හා සොබාදහම අධ්‍යයන මාධ්‍යස්ථානය’ පසුගියදා මාධ්‍ය මගින් අනාවරණය කර තිබුණි.

එමෙන්ම, ‘වැසි වනාන්තර සුරකින්නෝ’ සංවිධානයේ පරිසරවේදීන් කණ්ඩායමකට මෙම ඉදිකිරීම් ප්‍රදේශය නිරීක්ෂණය වීමත් සමග අදාළ ඉදිකිරීම් පරිසර හිතකාමී නොවන බව ජනාධිපතිවරයාට ලිඛිතව දන්වා තිබුනි.

අදාළ ඉදිකිරීම සඳහා කිසිදු ව්‍යාපෘති වාර්තාවක් හෝ ලිඛිත අවසරයක් නොමැති බවට පරිසර සංවිධාන චෝදනා කරයි.

මෙරට පරිසර සංවිධාන බලධාරීන්ගෙන් ඉල්ලා සිටින්නේ මෙලෙස ඉදිකිරීම් සිදු කරන්නේ නම් පාරිසරික නිර්දේශයන්ට අනුකූලව පරිසර අධ්‍යයනකින්ද පසු නිසි ක්‍රමවේදයක් යටතේ අදාළ ව්‍යාපෘති ක්‍රියාත්මක කරන ලෙසයි.

Facebook Comments