රජයේ වෛද්‍ය නිලධාරීන්ගේ සංගමය ආරම්භ කර තිබු වැඩ වර්ජනය අත්හිටුවීමට එම සංගමය තීරණය කර තිබේ.
ජනාධිපති මෛත්‍රීපාල සිරිසේන සමග පැවති විශේෂ සාකච්ඡාවකින් අනතුරුව මෙම තීරණය ගත් බවයි රජයේ වෛද්‍ය නිලධාරීන්ගේ සංගමය නිවේදනය කරන්නේ.
තුන්වන දිනටත් වෛද්‍ය වර්ජනය අද දින ක්‍රියාත්මක කර තිබූ අතර මෙම වර්ජනය හේතුවෙන් අද දිනය තුළත් රෝහල් කටයුතුවලට බාධා එල්ල වී තිබුණි.
අද පස්වරු 04.00ට රජයේ වෛද්‍ය නිලධාරීන්ගේ සංගමයේ විධායක සභාව රැස්වීමට නියමිත අතර එහිද ඉදිරි ක්‍රියාමාර්ග පිළිබඳව තීරණය කරනු ඇත.
උද්ඝෝෂණයේ නිරත විශ්විවද්‍යාල සිසුන්ට පහරදීමේ සිද්ධියක් මුල් කර ගනිමින් රජයේ වෛද්‍ය නිලධාරීන්ගේ සංගමය පසුගිය බ්‍රහස්පතින්දා දිනයේ සිට මෙම වර්ජනය ආරම්භ කළේය.
ළමා රෝහල පිළිකා රෝහල මාතෘ රෝහල් ඇතුළු සෞඛ්‍ය ආයතනවල මෙම වර්ජනය ක්‍රියාත්මක නොවූ අතර බාහිර රෝගී අංශ වලින් ප්‍රතිකාර ලබා ගැනීමට පැමිණි රෝගීන් මෙම වර්ජනය හේතුවෙන් දැඩි අසීරුතාවට පත්ව තිබුණි.
Facebook Comments
