භික්ෂුන් වහන්සේලාගේ උපදෙස් නොතකා ශ්‍රී ලංකා යුද හමුදාව කඳවුරු තුළ ඉදි කරන ලද බුදු බුදු පිළිම වල තාර ගා කෙලෙසන්නට ඇත්තේ දකුණේ පිරිස් බවට සැකයක් මතුව තිබේ.
ශ්‍රී ලංකා යුද හමුදාව කඳවුරු හැර එන විට ඉතිරි කර ආ ඇතැම් බුදු පිළිම මෙම හානියට ගොදුරු වී ඇති බව උතුරු නැගෙනහිර සංචාරයක යෙදී සිටියදී තමන්ට පෞද්ගලිකවම දැකගන්නට ලැබුනු බව සංස්කෘතික කටයුතු භාර අමාත්‍යවරයා පාර්ලිමේන්තුවට දැනුම් දුන්නේය.
බුදු පිළිම විනාශ කරන්නේ උතුරේ ජනතාවට එරෙහි මතයක් දකුණේ ගොඩනැගීම සඳහා විය හැකි බවටයි අමාත්‍ය විජයදාස රාජපක්ෂ විශ්වසය පළ කරන්නේ.
“සමහර වෙලාවට අපි විශ්වාස කරනවා දකුණෙන් ගියපු සමහරු හිතා මතාම තාර විසිකරලා පොටෝ ගහලා ගෙනල්ලා දකුණේ පෙන්නනවා උතුරේ බුදු පිළිමයක්වත් තියාගන්න දෙන්නේ නැති තත්වයක් තියෙන්නේ කියලා,” යි අමාත්‍ය විජයදාස රාජපක්ෂ කියා සිටියේය.
යුද හමුදාව විසින් කඳවුරු තුල ස්ථිර බුදු පිළිම ඉදි කරන ලද්දේ බෞද්ධ භික්ෂු බල මණ්ඩලවල නායක ස්වාමීන් වහන්සේලා ඊට විරුද්ධතාව පල කර තිබියදී බව ද ඔහු පාර්ලිමේන්තුවට ප්‍රකාශ කළේය
Facebook Comments
