දේශපාලනඥයන්ගේ මැදිහත්වීම මත සිදු කෙරෙන පරිසරය විනාශයට විරුද්ධ වෙමින් ජනතාවට සහන සලසන ඇමැතිවරයෙක් ලෙස රන්ජන් රාමනායක මේ දින වල ප්‍රසිද්ධියට පත්ව සිටී.
දිවුලපිටියේ බොරළු කැපීමකින් හා ගල් වලකින් පරිසරයට වන හානිය පෙන්වා දී ක්ෂණිව එම විනාශයන් නැවැත්වීමට නියෝජ්‍ය ඇමතිවරයා මැදිහත් වු ආකාරය මේ වන විට කිසිවකුටත් රහසක් නොවේ.
දිවුලපිටියේ පරිසර විනාශයට වඩා වැඩි වශයෙන් මිනිසුන් දහස් ගණනකගේ ජිවිතයට හානි වෙමින් පවතින හා හානි වු තවත් පරිසර විනාශයක් සිදු වෙමින් පවතින බව කොලොන්නාවේ ජනතාව රන්ජන් ඇමතිවරයාගේ අවධානයට ලක් කරයි.
ඒ පැළියගොඩ කුණු කන්ද කොලොන්නාවට ගෙන ගොස් ඇති නිසා එහි සිදුව ඇති පරිසර හා ජිවිත විනාශය සම්බන්ධයනි.
කොලොන්නාව කුණු කන්ද අවට නිවාසයන්හි ඩෙංගු නොසෑදුනුු කෙනෙකු සොයා ගැනීම නොමල ගෙදරකින් අබ ඇටයක් සොයා ගන්නවාටත් වඩා අපහසු කටයුත්තකි.
තාවකාලිකව අක්කර 2 ප්‍රමාණයකට කුණු දැමීමට අධිකරණය මඟින් අවසර දුන්නද මේ වන විට එය අක්කර 18 වඩා වැඩි ප්‍රමාණයක එම කුණු කන්ද පැතිර පවති.
කොළඔ කුණු ඒකළ ප්‍රදේශයට ගෙන ඒමට පැවති විරෝධතාවයකදී ඇමතිවරයා කියා සිටියේ “මේකට ඉඩ දුන්නොත් අන්තිමට අපිට සිද්ද වෙන්නේ හැම තිස්සෙම ඔක්සිජන් ටැංකි පිටේ බැඳගෙන ජීවත් වෙන්න. මගේ ජීවිතේට මරණ තර්ජන ඒමටයි. මේ සටන අතහරින්නේ නැහැ.” යැයි යනුවෙනි.
ඇමැතිතුමනි! කොලොන්නාවේ සමහර කුඩා දරුවන් මිය යන්නේ ලෙඩේ කුමක්ද යන්නවත් සොයා ගැනීමට නොහැකිවයි.
මිහිපිට අපයා බලන්න කොලොන්නාවට යන ලෙස අප ඔබට යෝජනා කර සිටින අතර සමාජ සුබ සාධන නියෝජන ඇමැති ලෙස සහ කවදත් ජනතාවට හිතැති මන්ත්‍රීවරයා ලෙස ඔබ ඒ සදහා මැදිහත් වේ යැයි එම ජනතාව විශ්වාසයෙන් සිටි.
Facebook Comments
