ලෝකයේ තොරතුරු දැනගැනීමේ නීතීන් ශ්රේණිගත කරනු ලබන කැනඩාවේ නීතිය සහ ප්රජාතන්ත්රවාදය සඳහා වූ මධ්යස්ථානය විසින් ප්රකාශයට පත් කරන ලද නවතම ශ්රේණිගත කිරීමට අනුව ශ්රී ලංකාවේ තොරතුරු දැනගැනීමේ නීතිය ලෝකයේ හොඳම තෙවැනි තොරතුරු දැනගැනීමේ නීතිය ලෙස ශ්රේණිගත කර ඇති බව රජය පවසයි.
ශ්රී ලංකාවේ තොරතුරු පනත ලෝකයේ හොඳහ හත්වැනි පනත ලෙස ශ්රේණිගත කර තිබූ අතර ඊට මාස කිහිපයකට පසු එය 9 වන ස්ථානයට පත් කෙරුණ අතර පසුගිය සතියේ පාර්ලිමේන්තු ප්රතිසංස්කරණ හා ජනමාධ්ය අමාත්ය ගයන්ත කරුණාතිලක විසින් ගැසට් පත්රයක් මඟින් ප්රකාශයට පත් කරන ලද නීති හා රෙගුලාසි සැලකිල්ලට ගනිමින් ශ්රී ලංකාවට ලැබී තිබූ ලකුණු ප්රමාණය 10කින් ඉහළයාම නිසා අනෙක් රටවල් අභිබවා ශ්රී ලංකාව තෙවැනි තැනට පත්ව ඇත.
එම නීති සහ රෙගුලාසි ගැසට් කෙරුණේ තොරතුරු දැනගැනීමේ කොමිසමේ ද සහයෝගය සහ එකඟත්වය මතයි.
තොරතුරු දැන ගැනීමේ පනත පසුගිය තුන් වැනි දා සිට ක්රියාත්මක වන අතර මේ වන විට තොරතුරු ඉල්ලීම් 800ක් පමණ රාජ්ය ආයතනවලට ලැබී ඇතැයි ප්රවෘත්ති දෙපාර්තමේන්තුව කියයි.