ශ්‍රී ලංකා වෛද්‍ය සභාවේ සභාපති මහාචාර්ය කාලෝ ෆොන්සේකා හට සෞඛ්‍ය අමාත්‍ය රාජිත සේනාරත්න විසින් සේවා දිගුවක් ලබා දී ඇති බවට සිලෝන් ජර්නල්ස් වෙත වාර්තා වේ.
මාලඹේ සයිටම් ආයතනයෙන් අධ්‍යාපනය ලබන සිසුන් ලියාපදිංචි කිරීම සම්බන්ධයෙන් ලබා දුන් අභියාචනාධිකරණ නියෝගය කිසිසේත්ම පිළිනොගන්නා බවත් එම නියෝගය ක්‍රියාත්මක කරන්නට නම් ආණ්ඩුවට තමන් තනතුරෙන් ඉවත් කරන්නට සිදු වන බවත් මහාචාර්ය කාලෝ ෆොන්සේකා මාධ්‍යට ප්‍රකාශ කර තිබුණි.
ශ්‍රී ලංකා වෛද්‍ය සභාවේ සභාපති මහාචාර්ය කාලෝ ෆොන්සේකා එම තනතුරින් ඉවත් කිරීමට රජය කිසිඳු තීරණයක් ගෙන නොමැති බවට පැවසෙන අතර ඒ වෙනුවට සෞඛ්‍ය අමාත්‍ය රාජිත සේනාරත්න විසින් කාලෝ ෆොන්සේකාගේ සේවා කාලයද තවත් වසරකින් දීර්ඝ කර ඇත.
සයිටම් වෛද්‍ය උපාධිය පිලිගැනීම සම්බන්ධයෙන් කාලෝ ෆොන්සේකා විරෝධය දක්වන අතර ඇමති රාජිත සේනාරත්න සයිටම් උපාධිය අනුමත කරන ස්ථාවරයක් පසු වන අතර එවැන් තත්වයකදී ඇමතිවරයා විසින්ම 84 හැවිරිදි කාලෝ ෆොන්සේකාගේ සේවා කාලය තවත් වසරකින් දීර්ඝ කිරීම විශේෂත්වයකි.
මහාචාර්ය කාලෝ ෆොන්සේකා පවසන්නේ සයිටම් වෛද්‍ය උපාධිය පිළීගන්නා ලෙස උසාවි ලබා දුන් නියෝගය තමා ප්‍රතික්ෂේප කරන බව සහ එය ප්‍රතික්ෂේප කිරීම හේතුවෙන් තමා අත්අඩංගුවට ගත්තද තම ස්ථාවරය වෙනස් නොකරන බවටයි.
Facebook Comments
