ජාතික ආර්ථික සභාවට කැබිනට් අනුමැතිය

රටේ ආර්ථික කටයුතු මෙහෙයවීම සඳහා ජනාධිපති මෛත්‍රීපාල සිරිසේන විසින් යෝජනා කරන ලද ජාතික ආර්ථික සභාව සඳහා කැබිනට් අනුමැතිය ලැබී තිබේ.

රටේ සියලු ආර්ථික කටයුතු පිළිබඳව කැබිනට් මණ්ඩලයට වගකියන මණ්ඩලයක් ලෙස මෙම ජාතික ආර්ථික සභාව පිහිටුවීමට තීරණය කර ඇත.

ජනාධිපතිවරයා විසින් මීට සති කිහිපයකට පෙර මෙම කැබිනට් පත්‍රිකාව ඉදිරිපත් කල නමුත් එය අධ්‍යයනය කළ යුතු බව පවසමින් එම යෝජනාව කල් දමාගෙන තිබුණේ අගමැතිවරයාය.

ජාතික ආර්ථික සභාව පිහිටුවීමට අදාල කෙටුම්පත් සකස් කරන ලෙස ජනාධිපතිවරයා මේ වන විටත් ජනාධිපති ලේකම්වරයා වෙත උපදෙස් ලබාදී ඇතැයි ජනාධිපති කාර්යාල ආරංචිමාර්ග පවසයි.