මැතිවරණයක් තිබ්බොත් “රාජ්‍ය සේවකයන් අනතුරේ”

0

ගෝලිය වසංගත තත්වයක් පවතින අවස්ථාවක මැතිවරණයක් පැවැත්වීම අවදානම් බව පෙන්වා දෙන රාජ්‍ය වෘත්තිය සමිති මැතිවරණ රාජකාරි වල යෙදෙන නිලධාරින්ගේ ආරක්ෂාව තහවුරු කරන ලෙස මැතිවරණ කොමිසමෙන් ඉල්ලා තිබේ.

දින නියමයක් නොමැතිව මහ මැතිවරණය කල් දැමීමට මැතිවරණ කොමිසම හේතු වු තත්වයන් මෙතෙක් පහව ගොස් නැති බවත් ශ්‍රී ලංකාව තුල කොවිඩ් 19 අවදානම පහව ගිය බවක් සෞඛ්‍ය අංශ මෙතෙක් තහවුරු කර නැති බව රාජ්‍ය වෘත්තිය සමිති විසි එකක් ඒකාබද්ධව නිකුත් කළ නිවේදනයෙන් අවධාරණය කර ඇත.

“ශ්‍රී ලංකාවේ කොවිඩ් 19 අවදානම පහව ගොස් ඇති බවක් මේ වන තෙක් සෞඛ්‍ය අංශ තහවුරු කර නොමැත. නිරෝධායනය වු කිහිප දෙනෙකුට ද කොරෝනා ැසාදනය වු බව සෞඛ්‍ය අංශ තහවුරු කර තිබේ.”

චීනයේ මෙන්ම දකුණු කොරියාවේ ද කොරෝනා අසාදනය වී සුව වු බවට තහවුරු කළ රෝගීන් පවා යළිත් වරක් රෝගයට ගොදුරු වී ඇති වතාවරණයක ගෝලීය වශයෙන් පවතින වසංගත තත්ත්වය තවමත් පහව ගොස් නැත. මෙම වතාවරණය තුළ මැතිවරණ කොමිසම විසින් මැතිවරණය කල් දැමීමට හේතු වු තත්ත්වයන් තවමත් ඉවත් වී නොමැත. යනුවෙන් එම නිවේදනයේ දැක්වේ.

පසුගිය ජනාධිපතිවරණයේදී සිය ජන්දය භාවිතා කිරීමට විශාල වශයෙන් විදේශයන් හි සිටින ලාංකිකයන් පැමිණි බව සිහිපත් කර ඇති මෙම නිවේදනය විදේශ නිරීක්ෂණයන්ගේ පැමිණීම ද ගැටලු සහගත විය හැකි බවටයි අනතුරු අඟවන්නේ.

ජන්ද දායකයන් ජන්ද පොළට පැමිණිම සැක සහිත වුවත් කුඩා කණ්ඩායම් වශයෙන් හෝ ඒකරාශිවිම වළාක්වාලිය නොහැකි බව සහ ජන්දය පිළිබඳව රාජ්‍ය නිලධාරින්ට සමාන්‍ය පරිදි සැසි වාර කිහිපයක් පැවැත්වීම අවදානම් සහගත බව පෙන්වා දෙයි.

කොරෝනා රෝගී තත්ත්වය බෝ වන බවට අවදානම් කර ඇති ඇගිලි වල තීන්ත ආලේප කිරීම සහ හැඳුනුම්පත් පරීක්ෂාව නිලධාරින් හට අවදානම් සහගත බැවින් ලක්ෂ දෙකකට අධික මැතිවරණ රාජකාරි වල නිරත වන නිලධාරින්ගේ ආරක්ෂාව තහවුරු කරන ලෙසයි නිවේදනයෙන් වැඩි දුරටත් ඉල්ලා ඇත්තේ.

ශ්‍රී ලංකාවේ මහ මැතිවරණය පැවැත්වීම සම්බන්ධව පක්ෂ ලේකම්වරුන් සහ විවිධ කණ්ඩායම් සමග 20 සඳුදා මැතිවරණ කොමිසම සාකච්ඡාවක් පවත්වන බවට මාධ්‍ය වාර්තා කර තිබේ.

ලංකා ගුරු සංගමය, සමස්ථා ලංකා රාජ්‍ය කළමනාකරණ නිලධාරින්ගේ සංගමය, ශ්‍රී ලංකා තැපැල් හා විදුලි සංදේශ සේවා සංගමය, පළාත් කළමනාකරණ සේවා නිලධාරින්ගේ සංගමය, ජාතික තැපැල් හා විදුලි සංදේශ සේවා සංගමය, දුම්රිය ඒකාබද්ධ පෙරමුණ, තොරතුරු හා විදුලි සංදේශ සියලු සේවක සංගමය, රජයේ කර්මාන්තශාලා සේවක සංගමය, එක්සත් ජාතික තැපැල් සංගමය, එක්සත් තැපැල් හා විදුලි සංදේශ සේවා සංගමය, ශ්‍රී ලංකා නිදහස් තැපැල් වෘත්තියවේදින්ගේ සංගමය, ලංකා වෘත්තිය සමිති සම්මේලනය, රජයේ ආහාර නිරික්ෂිකා සංගමය, එක්සත් ලංකා පවුල් සෞඛ්‍ය සේවා නිලධාරින්ගේ සංගමය, ජාතික නිදහස් වෘත්තිය සමිති සම්මේලනය, වාරිමාර්ග පොදු සේවක සංගමය, ආණ්ඩුවේ කම්කරු සමිති සම්මේලනය, ආපදා කළමනාකරණ මධ්‍යස්ථානයේ සේවක වෘත්තිය සමිතිය, දුම්රිය ශ්‍රේණිගත වෘත්තිය සමිතිය, දුම්රිය සේවක සංගමය සහ දුම්රිය කම්කරු එකතුව ඒකාබද්ධව නිවේදනය නිකුත් කර ඇත.

Facebook Comments

wedding people