රට නිවැරදි දිසාවට ගෙන යාමට දැඩි ස්ථාවරයක් අවශ්‍යයි: සම්බන්ධන්

0

ආණ්ඩුව විසින් දැඩි ස්ථාවරයක් ගෙන රට නිවැරදි දිසාවට ගෙන යා යුතු බව සහ නව ව්‍යවස්ථාවක් සම්මත කර ගැනීම රට ඉදිරියට ගෙනයාමේ දිසාවට තබන දැවැන්ත පියවරක් වනු ඇති බවට විපක්ෂ නායකවරයා පොදුරාජ්‍ය මණ්ඩල මහලේකම්වරියට කියා තිබේ.

රට මුහුණ පා සිටින බොහෝ ප්‍රශ්න විසඳීම සඳහා නව ව්‍යවස්ථාවක් ගෙන ඒම ඇතුළු දෙමළ ජනතාවට බලපාන ප්‍රශ්න විසඳන බවට දේශීය හා ජාත්‍යන්තර වශයෙන් දුන් පොරොන්දු ඉටු කිරීම සම්බන්ධයෙන් රජයේ ක්‍රියාකාරිත්වය මන්දගාමී හා ප්‍රමාණවත් නොවන බව ආර්. සම්බන්ධන් පොදුරාජ්‍ය මණ්ඩල මහලේකම් පැට්‍රීෂියා ස්කොට්ලන්ඩ් කොළඹදී හමුවූ අවස්ථාවේ පේනවා දී ඇත.

“අලුත් ව්‍යවස්ථාවක් මගින්, පාලනයේ ව්‍යුහය වෙනස් කොට පළාත් වලට වැඩි බලතල දී, සත්‍යය හා යුක්තිය සහතික කරගෙන, වන්දි ලබාදීම, අතුරුදහන් වුවන් සම්බන්ධයෙන් කටයුතු කිරීම, සන්නද්ධ හමුදා විසින් වාඩිලාගෙන සිටින සාමාන්‍ය වැසියන්ගේ ඉඩම් නිදහස් කිරීම, ත්‍රස්තවාදය වැළක්වීමේ භයානක පනත යටතේ අත් අඩංගුවේ රඳවාගෙන සිටින ජනතාව නිදහස් කිරීම ආදී වශයෙන් වන ඒ සමහර පොරොන්දු ඉටු කිරීම මන්දගාමී හා ප්‍රමාණවත් නොවේ.”

අලුත් ව්‍යවස්ථාවක් සම්පාදනය කිරීමේ ක්‍රියා දාමයට පොදුරාජ්‍ය මණ්ඩලය දිගටම උදව් කරන බවට මහලේකම්වරිය සහතික වූ බව දෙමළ ජාතික සන්ධානය නිකුත් කළ නිවේදනයේ සඳහන් කර තිබේ.

මානව හිමිකම් සුරකින ව්‍යවස්ථා සම්පාදන ක්‍රියාදාමයක් වෙනුවෙන් මැදිහත් වීම ගැන පොදුරාජ්‍ය මණ්ඩල මහලේකම්වරිය සහ ශ්‍රී ලංකාවේ මානව හිමිකම් කොමිසම අතර හමුවේදී වැඩි දුරටත් සාකච්ඡා වී ඇත.

Facebook Comments

wedding people