පුද්ගලයන්ගේ උණ පරීක්ෂා කිරීම සදහා මේ වන විට අනුගමනය කරන වැරදි ක්‍රමවේදයක් නිසා උණ රෝගීන් මගහැරීයාමේ අවදානමක් පිළිබදව ස්නායු ශෙල්‍ය විශේෂඥ වෛද්‍යවරයකු විසින් අනාවරණය කර තිබේ.
අධෝරක්ත කිරන නළලට අල්ලා උණ පරීක්ෂා කිරීම මුලින් සිදු කළත් මේ වන විට අතේ උණ පරීක්ෂා කිරීම නිසා මෙම මගහැරීම සිදු විය හැකි බවයි රාජ්‍ය ඖෂධ නීතිගත සංස්ථාවේ සභාපති ස්නායු ශෙල්‍ය විශේෂඥ වෛද්‍ය ප්‍රසන්න ගුණසේන පවසන්නේ.
“අතේ උණ බැලුවාම වෙන ප්‍රශ්නේ තියෙන්නේ ඇගේ උෂ්ණත්වයට වඩා සෙන්ටිග්‍රේඩ් එකක් විතර අඩුවෙන් තමයි අතේ උෂ්ණත්වය පෙන්නුම් කරන්නේ. එතකොට ඇත්තටම උණ තියන ලෙඩෙක්ව මෙතනදී අපට මග හැරී යන්න පුළුවන්. ”
දෙවැනි කොරෝනා රැල්ලට පාදක වූ වෛරස් ආසාදිතයන් පොකුරු පිටින් වාර්තා වන බ්‍රැන්ඩික්ස් ආයතනයේත් උණ බැලීමේ ක්‍රමවේදයේ වෙනසක් පැවතියේනම් එම උණ බැලීමේ ක්‍රමයත් ඇති වී තිබෙන තත්වයට හේතු විය හැකි බවට ස්නායු ශෙල්‍ය විශේෂඥ වෛද්‍යවරයා සැක පළ කළේය.
ජනතාව ආයතන තුලට ඇතුල් වීමේදී උණ පරීක්ෂා කිරීම සිදු කරන්නේ වැරදි අයුරකින් නම් නිවැරදි ආකාරයට උණ පරීක්ෂා කරගන්නා ලෙස ඔහු වැඩි දුරටත් මහජනතාවගෙන් ඉල්ලා සිටියේය.
Facebook Comments
