ශ්‍රී ලංකාවේ කොරෝනා වසංගත දෙවැනි රැල්ල වාර්තා වීමත් සමග පොදු ප්‍රවාහන සේවාවන්හි ගමන් කිරීමේදී අනුගමනය කළ හැකි පියවර කිහිපයක් ලෝක සෞඛ්‍ය සංවිධානය විසින් හදුන්වා තිබේ.
එම සංවිධානය විසින් ප්‍රසිද්ධ කර තිබෙන වීඩියෝවක දැක්වෙන සෞඛ්‍යාරක්ෂිත ලෙස පොදු ප්‍රවාහන සේවාවන්හි ගමන් කිරීමේදී ගත හැකි පියවර 9 ය පහත පරිදිය.
1.ගමනා ගමනයේ යෙදෙන විට හැකි තරම් තදබදය පවතින වේලාවල් වල ගමන් කිරීමෙන් වළකින්න,
2.අන් අය සමග මීටරයකවත් දුරස්ථභාවයක් තබා ගැනීමට උත්සාහ ගන්න,
3.නිතර ස්පර්ශවන පොදු මතුපිටවල් ඇල්ලීමෙන් අනතුරුව මධ්‍යසාර අඩංගු පිරිසිදුකාරක ද්‍රාවණයක් භාවිත කර ඔබේ දෑත් පිරිසිදු කරගන්න,
4.අත්වැටවල්, බිත්ති, දොර අගුළු වැනි පොදු ස්ථාන අතපතගෑමෙන් වළකින්න,
5.මුඛ ආවරණයක් පළදින්න,
6.හැකි සෑම විටම තමන්ගේ සහ අනිකුත් මගීන් අතර අවම වශයෙන් එක ආසනයක පරතරයක්වත් තබා ගැනීමට උත්සාහ කරන්න,
7.ඔබගේ ඇස්, කන්, නාසය, ඇල්ලීමෙන් වළකින්න,
8.කහින විට හෝ කිවිසුම් හරින විට තම වැලමිට හෝ ටිෂු කඩදාසියක් භාවිත කරන්න,
9.ඔබ ගමන් යාමේදී ගමනාන්තයට ලගා වු වහාම දෑත් ගලායන ජලයෙන් සබන් යොදා හොදින් සෝදා ගන්න.
Facebook Comments
