රට තුල සංහිඳියාව මෙන්ම ප්‍රජාතන්ත්‍රවාදය ස්ථාපිත කල හැකි රජයක් 2015 ජනවාරි 08 බිහි වු බවට විදුලි සංදේශ, ඩිජිටල් යටිතල පහසුකම් හා විදේශ රැකියා නියෝජ්‍ය අමාත්‍යවරයා පවසා තිබේ.
එක්සත් ජාතික පක්ෂය හා ශ්‍රි ලංකා නිදහස් පක්ෂය එකතු වෙලා සහජීවනයේ ආණ්ඩුවක් නිර්මාණය කල බව පවසන අමාත්‍ය මනුෂ නානායක්කාර සියළුම පක්ෂ එක්සාසු වී මහා සංවර්ධනයක් රටට ගෙනන ආ බවයි පවසන්නේ.
“2015 ජනවාරි 8 වෙනිදායින් පස්සේ රටේ වෙනසක් ඇතිවුණා. රටේ ආගම් අතර සංහිදියාවක් ඇතිවුණා. රටේ ප්‍රජාතන්ත්‍රවාදය ස්ථාපිත කරන්න පුළුවන් වුණා. අළුත් රජයක් බිහිවුණා. එක්සත් ජාතික පක්ෂය හා ශ්‍රි ලංකා නිදහස් පක්ෂය එකතු වෙලා සහජීවනයේ ආණ්ඩුවක් හැදුනා. සියළුම පක්ෂ එකට එකතු වුණා. ඒ එකතු වෙලා මහා සංවර්ධනයක් රටට ගෙනාවා”
සංවර්ධනය සමඟ මනිසුන්ගේ ජිවත් වීමේ අයිතිය තහවුරු කිරීමට වත්මන් රජයට හැකි වු බව විදුලි සංදේශ, ඩිජිටල් යටිතල පහසුකම් හා විදේශ රැකියා නියෝජ්‍ය අමාත්‍ය මනුෂ නානායක්කාර පිබිදෙමු පොළොන්නරුව වැඩසටහන යටතේ තමන්කඩුව සිංහපුර මහා විද්‍යාලයේ පංතිකාමර ගොඩනැගිලි විවෘත කිරීමේ අවස්ථාවට එක්වෙමින් කියා සිටියේය.
ඒක තමයි අපි අද වඩාත් කතා නොකරන වඩාත් වැදගත් දේ මිනිස්සුන්ට තියෙන නිදහස. තමන් කැමති ආගමක් ජාතියක් අදහන්න නිදහස ලැබුණා. බය නැතුව මුස්ලිම් ජනතාවට තොප්පිය දාගෙන යන්න පර්දාව ඇදගෙන යන්න අවශ්‍ය වටපිටාව නිර්මාණය වුණේ මේ පසුගිය අවුරුදු 3දි. යි අමාත්‍යවරයා සඳහන් කළේය.
රට තුල සාමකාමී හා නිදහස් වතාවරණයක් ඇති කිරිම පිළිබඳව ජනාධිපතිවරයට සහ යහපාලන රජයට ස්තුති කල යුතු බව අමාත්‍ය මනුෂ නානායක්කාර වැඩි දුරටත් කියා සිටියේය.
Facebook Comments
