සංහිඳියාව වෙනුවෙන් විශේෂ පාර්ලිමේන්තු කාරක සභාවක්

0

ජාතික හා ආගමික සංහිඳියාව පිළිබඳ විශේෂ පාර්ලිමේන්තු කාරක සභාවක් සියලු පක්ෂ නායකයන්ගේ ඒකමතික එකඟතාව මත පත් කිරීමට නියමිත බව කතානායකවරයා පවසයි.

අගෝස්තු මස පාර්ලිමේන්තුවට වාර්තා කිරීමෙන් පසු එම කාරක සභාව නිල වශයෙන් පත් කිරීම් සිදුකරන බව කතානායක කරූ ජයසූරිය ශ්‍රී ලංකාවේ ජාතික හා ආගමික සහජීවනය සඳහා වූ පාර්ලිමේන්තු කමිටුවේ ප්‍රථම ප්‍රාදේශීය සමුළුව අමතමින් කියා සිටියේය.

ජාතික හා ආගමික සහජීවනයෙන් ශ්‍රීලංකව තිරසාරත්වය වෙත යන්න තේමා කර ගනිමින් සර්ව ආගමික නායකයන්ගේත්, මැති ඇමැතිවරු ඇතුළු රාජ්‍ය නිලධාරීන්ගෙත්, ආරක්ෂක අංශ ප්‍රධානීන්ගෙත් සහභාගීත්වයෙන් 06 සදුදා එම සමුළුව මහනුවර මහවැලි රීච් හෝටලයේ දී පැවැත්විණි.

නෛතික අතින් මෙම කාරක සභාව ඉතාමත්ම ශක්තිමත් බව පෙන්වා දෙන කතානායකවරයා පාර්ලිමේන්තුව නියෝජනය කරන සියලුම පක්ෂ මෙන්ම රටේ සියලුම ජාතීන්ට හා ආගමිකයන්ට මෙම කමිටුවේ නියෝජනයක් ලබා දෙන බවයි පෙන්වා දෙන්නේ.

මෙම කමිටුව සඳහා මහජන අදහස් හා යෝජනා ලබා දීමට ඉදිරියේ දී සියලු පුරවැසියන්ට අවස්ථාව ලබාදෙන බවද කතානායක කරූ ජයසුරිය සඳහන් කළේය.

සහජීවනය තහවුරු කිරීමෙන් සංවර්ධිත, සාමකාමී දේශයක් අනාගත පරපුර වෙත දායද කිරීම මෙම වැඩපිළිවෙළේ මූලික අරමුණ බව හෙතෙම වැඩි දුරටත් කියා සිටියේය.

Facebook Comments