කැම්පස් ගිහින් දරුණු වුණ බින් ලාඩන්

0

ලැජ්ජාශීලී සහ යහපත් දරුවෙකු ලෙස සිටි තම පුත්‍රයා දරුණු තත්වයට පත්වූයේ විශ්ව විද්‍යාල අධ්‍යාපනය ලැබීමෙන් පසුව බව අල් කයිඩා හිටපු නායක ඔසාමා බින් ලාඩන්ගේ මව පවසනවා.

ත්‍රස්ත ක්‍රියාවල නිරතවෙමින් ඔහු සිදුකල අපරාධ කිසිවෙකුට අනුමත කල නොහැකි බව බින් ලාඩන්ගේ මව වන ආලියා ගානෙම් බ්‍රිතාන්‍යයේ ගාර්ඩියන් පුවත්පත සමග සම්මුඛ සාකච්ඡාවකට එක්වෙමින් කියා තිබේ.

තමන් අවසන් වරට බින් ලාඩන් සියැසින් දුටුවේ සැප්තැම්බර් 11 ප්‍රහාරයට වසර 2 කට ඉහතදී 1999 වසරේදී බවට ඇය ගාර්ඩියන් පුවත්පතට පවසා ඇත.

ඔසාමා බින් ලාඩන් උපත ලබා වසර 3 කට පමණ පසු ඔහුුගේ පියා වන මොහොමඩ් බින් අවාඩ් බින් ලාඩන් ආලියා ගානෙම් දික්කසාද කර තිබෙන අතර පසුව කාන්තාවන් කිහිප දෙනෙකු සමග විවාහ වී තිබේ.

බින් ලාඩන්ගේ පියාට සිටින දරුවන් ගණන 50 කට අධික බවයි ආලියා ගානෙම් පවසන්නේ.

ඇමෙරිකානු නාවික හමුදා ප්‍රහාරයකින් පකිස්ථානයේ ඇබොටාබාද් හිදී ඔසාමා බින් ලාඩන් ඝාතනයට ලක්වුයේ 2011 වසරේදීය.

Facebook Comments