දකුණු දිග කැලිෆෝනියාවට බලපා ඇති අයහපත් කාලගුණ තත්ත්වය හේතුවෙන් පුද්ගලයින් 15 දෙනෙකුට වැඩි පිරිසක් මියගොස් තිබේ.
අධික වර්ෂාවත් සමඟ බලපෑ ගං වතුර සහ නාය යාම් හේතුවෙන් ඔවුන් මියගොස් ඇති බව විදෙස් මාධ්ය වාර්තා කළේය.
අයහපත් කාළගුණයෙන් තුවාල ලැබූ තවත් පුද්ගලයින් 163 දෙනෙකු ප්රතිකාර සඳහා රෝහල් ගත කර ඇති බව බලධාරින් සඳහන් කරයි.
නාය යෑම් හේතුවෙන් අතුරුදන් වූ පුද්ගලයින් සොයා සෝදිසි මෙහෙයුම් ආරම්භ කර ඇති අතර මියගිය සංඛ්යාව තවදුරටත් ඉහළ යා හැකි බවයි කැලිෆෝනියානු බලධාරීන් පවසන්නේ.
අයහපත් කාලගුණය මධ්යයේ වුව ද ආරම්භ කළ මුදා ගැනීමේ මෙහෙයුම්වලදී මේ වන විට පුද්ගලයින් 50කට අධික පිරිසක් මුදා ගැනීමට සහන සේවකයින් සමත්ව තිබේ.
කෙසේ වෙතත් පුද්ගලයින් සිරවී ඇති බවට සැක කෙරෙන බොහෝ ස්ථානවලට මේ දක්වා ළඟා වීමට නොහැකි වී ඇතැයි විදෙස් මාධ්ය වාර්තා කළේය.