එක්සත් ජාතික පක්ෂයේ තීනියාවල පාලිත හිමියන් තමන් හට කරන ලද චෝදනා ප්‍රචාරය කිරිමට එරෙහි මාධ්‍ය ආයතන ප්‍රධානින් දෙපලකට එරෙහිව නඩු පවරන බව ඇමැති මංගල සමරවීර ප්‍රසිද්ධියට පත් කර තිබේ.
තමන්ට එරෙහිව කරන ලද චෝදනා කිසිඳු වග විභාගයකින් තොරව හිරු හා දෙරණ නාළිකා පුළුල් ප්‍රචාරයක් ලබා දෙමින් විකාශය කල බව පවසන මුදල් ඇමැතිවරයා එයට විරුද්ධව රුපියල් බිලියනයක වන්දියක් ඉල්ලා නඩු පවරන බව සිය ට්විටර් ගිණුමේ සටහන් කර ඇත.
“කෝටිපති ව්‍යාපාරික තීනියාවල පාලිත හිමි විසින් මට එරෙහිව සිදු කරනු ලැබූ තහවුරු නොකරන ලද සහ ද්වේශ සහගත චෝදනාවලට පුළුල් ප්‍රචාරයක් ලබා දුන් හිරු/දෙරණ නාලිකාවලට එරෙහිව රු.බිලියනක වන්දි මුදලක් ඉල්ලා නඩු පවරන ලෙස නීතීඥවරුන්ට උපදෙස් ලබා දුන්නා. – දිලිත්,රේන,පාලිත, අපි උසාවියේ දී හමුවෙමු.” යැයි ඇමැතිවරයා සිය සටහනින් කියා සිටී.
පාස්කු ඉරිදා ප්‍රහාරයෙන් පසුව හිරු හා දෙරණ රූපවාහින නාළිකා ජාතිවාදී වෛරී සහගත මාධ්‍ය මෙහෙයුමක් නිරත වන බවට චෝදනා කරමින් එම නාළිකා වලට තම අමාත්‍යංශයට අයත් ආයතන වලින් ලබා දී ඇති සියලුම දැන්වීම ඉවත් කරන ලෙසට මුදල් අමාත්‍ය මංගල සමරවීර මීට පෙර නියෝග කර තිබුනි.
Facebook Comments
