දෙමළ ස්වපාලනය සඳහා බාහුගෙන් බහුජන අරගල යෝජනාවක් (VIDEO)

0
1152
Ivory Agency Sri Lanka
wedding people

දෙමළ රාජ්‍ය තුල ස්වපාලනය ඇති කිරීමට සඳහා තව දුරටත් අරගල කළ යුතු බවට නව සම සමාජ පක්ෂයේ නායකයා පෙන්වා දෙයි.

වත්මන් රජය බලය පත්විමේදී ස්වපාලනය ඇති කරන බවට දුන් පොරොන්දුව සිහිපත් කළ ආචාර්ය වික්‍රමබාහු කරුණාරත්න එය මෙතෙක් ඉටු කර නොමැති බවට 26 බ්‍රහස්පතින්දා යාපනයේ පැවති මාධ්‍ය හමුවකදී චෝදනා කළේය.

දෙමළ රාජ්‍ය සහ සිංහල රාජ්‍ය එක්ව සිටිනවාද නැද්ද යන්න තීරණය වන්නේ රාජ්‍ය දෙකෙහිම එකඟතාව මත බව කී ආචාර්ය වික්‍රමබාහු එ් සඳහා තවදුරටත් සටන් කළ යුතු බවයි පවසන්නේ.

අලුත් ව්‍යවස්ථාව හරහා බලතල බෙදා දෙන බවට වු පොරොන්දුව මත දෙමළ නායකයන් යහපාලන රජයට සහාය වු බවයි විකුමබාහු කරුණාරත්න කියා සිටියේ.

“ව්‍යවස්ථාවක් හදාගෙන යනවා ඒ ව්‍යවස්ථාවෙන් සෑහෙන බලයක් දෙනවා කියලා පොරොන්දු වෙලා තියෙනවා ඒ උඩ තමයි පහුගිය කාලෙ එක්සත් ජාතික පක්ෂ රජය සමඟත් යහපාලනය සමඟත් දෙමළ පක්ෂ එකට වැඩ කළේ රනිල් වික්‍රමසිංහට ආපු අභියෝගයටත් මුහුණ දුන්නේ ඒ නිසා” යැයි ඔහු පවසයි.

දෙමළ නායකයකු වු චෙල්වනායගම්ගේ ඉලක්කය යටතේ බහුජන ව්‍යපාරයක් තුල සටනට ඉදිරියට ගෙන යා යුතු බව නව සම සමාජ පක්ෂයේ නායක ආචාර්ය වික්‍රමබාහු කරුණාරත්න වැඩි දුරටත් යෝජනා කළේය.

Facebook Comments