ආසියාවේ විශිෂ්ඨතම සේවා යෝජක සම්මාන දෙකක් ශ්‍රී ලංකන් ගුවන් සමාගමට

0

ශ්‍රී ලංකන් ගුවන් සමාගම මානව සම්පත් කළමනාකරණය සහ සංවර්ධනය සඳහා වූ සිය නිපුණත්වය නැවත වරක් ප්‍රදර්ශනය කරමින් සිංගප්පූරුවේ දී පැවති ආසියාවේ විශිෂ්ඨතම සේවායෝජක වෙළඳ නාම සම්මාන උළෙලේ දී කීර්තිමත් සම්මාන දෙකකින් පිදුම් ලැබීය.

HR-awards1-300x243

මෙහිදී විශිෂ්ඨතම ව්‍යාපාර උපාය මාර්ග සම්මානය සහ පුහුණු විශිෂ්ටතා යන සම්මාන ද්විත්වයෙන් ශ්‍රී ලංකන් ගුවන් සමාගම පිදුම් ලැබීය. ගුවන් සමාගමේ මානව සම්පත් සඳහා කාර්ය නියැළීමේ සහ සංවර්ධන උපාය මාර්ග යටතේ දියත් කළ ක්‍රියාමාර්ග මෙහිදී ඇගයීමට ලක්විය.

මෙම ආසියාවේ විශිෂ්ඨතම සේවා යෝජක සම්මාන සඳහා ඔස්ට්‍රේලියාව ඇතුළු ආසියාව පුරා රටවල් 40 කට වඩා වැඩි ප්‍රමාණයක් අතරින් හොඳම සේවා යෝජකයන් තෝරා ගැනීම සිදුකරන ලදී.

මෙම සම්මාන උළෙල 7 වන වරටත් පසුගිය අගෝස්තු මස 4 වෙනිදා සිංගප්පූරුවේ පෑන් පැසිෆික් හීදී අතිඋත්කර්ෂවත් අන්දමින් පැවැත්විණි.

ශ්‍රීලංකන් ගුවන් සමාගමේ මානව සම්පත් කළමනාකරණ අංශය ඉන්දියානු මානව සම්පත් කළමනාකරණ සම්මේලන සම්මාන උළෙලේ දී “දකුණු ආසියානු කලාපයේ මානව සම්පත් විශිෂ්ටත්ව සම්මානය‘‘ යන සුවිශේෂී සම්මානයෙන් ද පිදුම් ලබා තිබේ.

Facebook Comments

wedding people