සතොස “සුපර් මාර්කට්” එකක් තරම් දියුණුයි

0

වර්තමානයේ අන්තර්ජාලය හරහා තමන්ට අවශ්‍ය බඩු භාණ්ඩ ඇනවුම් කිරීම දක්වා ලෝකයේ ඉදිරියට පැමිණ තිබෙන මොහොතක සුපිරි වෙළෙඳ සැල් ආරම්භ කිරීම දක්වා සතොස නවීකරණය වී තිබෙන බව අගමැතිවරයා පවසයි.

කාර්ය බහුලත්වය හේතුවෙන් එක ස්ථානයෙන් සියලු භාණ්ඩ මිලදීමට ගැනීමට ජනතාවට පෙළඹී සිටින බැවින් සතොස මෙගා වෙළෙඳ සැල් එම කාර්යභාරය ඉටු කිරීමට කටයුතු කරන බව අගමැති රනිල් වික්‍රමසිංහ කියා සිටියේ 05 සිකුරාදා වැලිසර ප්‍රථම මෙගා සතොස ශාඛාව විවෘත කිරීමට එක්වෙමිනි.

මෙවැනි මෙගා වෙළඳසැල් 40ක් ඉදිරියේදී ලංකාව පුරා ආරම්භ කිරීමට බලාපොරොත්තු වන බවද අගමැතිවරය මෙහිදි ප්‍රකාශ කළේය.

සතොස නවීකරණය කිරීමේ කටයුතු සිදුකරන අතරම සහන මිලට ජනතාවට භාණ්ඩ ලබාදීමේ කටයුත්තද ප්‍ර‍ධාන අරමුණ වී තිබෙන බව පේනවා දුන් අගමැතිවරයා තරගකාරී වෙළෙඳ පොළ තුළ සතොස ජනතාවට සාධාරණ මිලට භාණ්ඩ ලබාදීමට කටයුතු කරමින් සිටින බව ද සිහි කර සිටියේය.

සාධාරණ මිලකට ජනතාවට අත්‍යවශ්‍ය භාණ්ඩ ලබාදීම සතොසෙහි ප්‍රධාන පරමාර්ථය වන බව අගමැති රනිල් වික්‍රමසිංහ වැඩිදුරටත් අවධාරණ කළේය.

Facebook Comments

wedding people