අගමැතිවරයාට එරෙහි විශ්වාස භංග යෝජනාවට පක්ෂය ජන්දය භාවිතා කර ශ්‍රී ලංකා නිදහස් පක්ෂය හැර ගිය පිරිස රාජපක්ෂවරුන්ගේ ඒජන්තවරු බවට හිටපු ජනපතිනිය චෝදනා කරයි.
යහපාලන රජය බිඳ දැමීමට රාජපක්ෂවරුන් අවුරුදු 3කුත් මාස තුනක් අසාර්ථක උත්සාහයක නිරත වු බව පෙන්වා දෙන හිටපු ජනාධිපතිනි චන්ද්‍රිකා බණ්ඩාරනායක කුමාරතුංග එය සාර්ථක නොවීම නිසාවෙන් ශ්‍රීලනිප 16 දෙනෙකු ආණ්ඩුවෙන් ඉවත් වු බවට විශ්වාස පල කර සිටි.
“අපේ පොදු ආණ්ඩුවක් තියෙන්නේ පක්ෂ ගොඩක් එක්ක..තාමත් බහුතරය අපිට ඉන්නවා…UNP එකයි ශීලංකා එකයි එකතු වුණේ යම්කිසි සම්මුතියක් මත අත්සන් කරපු…ජනාධිපති ශ්‍රී ලංකා නිදහස් පක්ෂයෙනුත් අගමැති UNP එකෙනුත් රාජපක්ෂලාගේ කුමන්ත්‍රණය අවුරුදු 3කුත් මාස තුනක් මේ ආණ්ඩුව බලයට ආවට පස්සේ ක්‍රියාත්මක වුණා..ආණ්ඩුව දෙකට කඩන්න ජනාධිපති අගමැතිව එකිනෙකාට විරසක කරන්න ඒවා ක්‍රියාත්මක කෙරුවේ 16 දෙනාගෙන් කොටසක් රාජපක්ෂලාගේ ඒජන්තවරු ඒ..ඉතින් එතකොට ඒගොල්ලන්ගේ වැඩේ සාර්ථක වෙන්නේ නැතිකොට ඒගොල්ලෝ එහෙම තීන්දුවක් ගන්න ඇති කියලා මං හිතනවා” යි හිටපු ජනපතිනිය පවසයි.
ජනතාව ඡන්දය ලබාදුන්නේ යහපාලන ආණ්ඩුවක් තුළින් රට ඉදිරියට ගෙන යාම සඳහා බව හිටපු ජනාධිපතිනි චන්ද්‍රිකා බණ්ඩාරනායක කුමාරතුංග අත්තනගල්ල ප්‍රදේශයේ පැවති අවුරුදු උලෙළකට සහභාගි වීමෙන් අනතුරුව මාධ්‍යවේදීන් නැගූ ප්‍රශ්නවලට පිළිතුරු දෙමින් වැඩි දුරටත් අවධාරණය කළේය.
Facebook Comments
