විධායකයට එරෙහි වෙන්න යන ඒකාබද්ධයට වීරවංශගෙන් ලෙඩක්

0
945
wedding people
Loading...

විධායක ජනාධිපති ධුරය අහෝසි කිරීමට ඒකාබද්ධ විපක්ෂය සහාය දීමට තීරණය කලහොත් තමන් එයට විරුද්ධ වන බව එම කණ්ඩායමේ පාර්ශවකරුවෙකු වන විමල් වීරවංශ ප්‍රමුඛ ජතික නිදහස් පෙරමුණ කියා සිටි.

20 වන ආණ්ඩුක්‍රම ව්‍යවස්ථා සංශෝධනය සම්මත වු වහා පාර්ලිමේන්තුව විසිරුවා හැරීමේ කොන්දේසිය මත ඊට සහය දක්වන බවට ඒකාබද්ධ විපක්ෂයේ සාමාජිකයින් කිහිප දෙනෙකු මේ වනවිට ප්‍රකාශ කර ඇති අතර එසේ සහාය පල කලහොත් ඊට විරුද්ධ වන බවයි ජාතික නිදහස් පෙරමුණ නිවේදනයක් නිකුත් කරමින් පවසන්නේ.

විවිධ මත පැවතිය හැකි වුවත් විධායක ජනාධිපති ධූරය අහෝසි කිරීමට තමන් ද එකඟ පාර්ලිමේන්තු මහින්ද රාජපක්ෂ මහනුවර දී මාධ්‍ය වෙත කියා තිබුණි.

පාර්ලිමේන්තුව විසිරුවා හැරීමේ යෝජනාව ද ඇතුළත් වන්නේ නම් තම පක්ෂය විධායක ජනාධිපති ක්‍රමය අහෝසි කිරීමට ජනතා විමුක්ති පෙරමුණට සහය ලබාදෙන බව පාර්ලිමේන්තු මන්ත්‍රි බන්දුල ගුණවර්ධන මීට පෙර ප්‍රකාශ කළේය.

“රෝ ඔත්තුකරුවන්”

මේ අතර විධායක ජනාධිපති ධුරය අහෝසි කිරීමට සහාය දීමට කැමැත්ත පල කර ඇති ඒකාබද්ධ විපක්ෂ මන්ත්‍රීවරුන් “රෝ ඔත්තුකරුවන්” ලෙසයි ජාතික සංවිධාන එකමුතුව හඳුන්වනු ලබන්නේ.

විධායක ජනාධිපති ධුරය අහෝසි කිරීමේ යෝජනාවට ඒකාබද්ද විපක්‍ෂය දායක වන්නේ නම් එය මහා පාවාදීමක් බව පවසන එම සංවිධානය බලය ලබා ගැනීම සදහා ඒකාබද්ද විපක්‍ෂය මෙම උගුලට පා තැබුවහොත් මෙම පාවාදීම ඔවුන් කරන අවසන් පාවාදීම වනු ඇති බවට අනතුරු අඟවා තිබුණි.

විධායක ජනාධිපති ක‍්‍රමය අහෝසි කිරීමේ යෝජනාව ජනතා විමුක්ති පෙරමුණ විසින් ගෙන එනු ලබන්නේ බටහිර කුමන්ත‍්‍රණයේ කොටසක් ලෙස බවයි ජාතික සංවිධාන එකමුතුව වැඩි දුරටත් පෙන්වා දෙන්නේ.

Facebook Comments

Loading...