ශ්‍රී ලංකා නිදහස් පක්ෂ සමස්ත ලංකා කාරක සභාව 28 සිකුරාදා) සවස කැදවන්නැයි ජනාධිපති මෛත්‍රීපාල සිරිසේන උපදෙස් දී ඇත.
ඒ අනුව බණ්ඩාරනායක අනුස්මරණ ජාත්‍යන්තර ශාලා පරිශ්‍රයේ ජෙස්මින් ශාලාවේ දී අදාළ කාරක සභා රැස්වීම පැවැත්වීමට නියමිත බවයි වාර්තා වන්නේ.
ශ්‍රි ලංකා නිදහස් පක්ෂයේ විධායක කාරක සභාවේ සාමාජිකයන් සියලු දෙනා ද සමස්ත ලංකා කාරක සභාව නියෝජනය කරන හෙයින් එහිදී පක්ෂය ඉදිරි පළාත් පාලන මැතිවරණයට සුදානම් වීම ඇතුළු පක්ෂයේ තීන්දු තීරණ රැසක් දැනුම්දෙනු ඇති බව දේශපාලන ආරංචි මාර්ග පවසයි.
මේ අතර ඒකාබද්ධ විපක්ෂය නියෝජනය කරන පාර්ලිමේන්තු මන්ත්රීවරුන් හට දිනේෂ් ගුණවර්ධන මන්ත්‍රීවරයා හදිසි කැදවීමක් කර තිබෙනවා.
එම කැඳවීමට අනුව අද (28) කොළඹ නෙළුම් මාවතේ පිහිටි කාර්යාලයට ඒකාබද්ධ විපක්ෂ මන්ත්රීවරුන් රැස්වීමට නියමිතව ඇත.
Facebook Comments
