අත්‍යාවශ්‍ය සේවා අඩාල කර ආණ්ඩුව පෙරළන්න නොහැකි බව මෙන්ම අත්‍යාවශ්‍ය සේවාවලට බාධා කිරීම ප්‍රජාතන්ත්‍රවාදී විරෝධී ක්‍රියාවක් යැයි විපක්ෂ නායකවරයා කියා සිටියි.
අත්‍යාවශ්‍ය මහජන සේවා පනත යටතේ යෝජනාව විවාදයට එක්වෙමින් 27 බ්‍රහස්පතින්දා විපක්ෂ නායක ආර්.සම්බන්ධන් මේ බව පැවසීය.
ජනතාව ප්‍රජාතන්ත්‍රවාදී ලෙස මෛත්‍රිපාල සිරිසේන ජනාධිපති ලෙස පත් කර ගත් පවසන විපක්ෂ නායකවරයා එම අයිතිය නැති කළ යුතුයි කියන්න කිසිවෙකුටත් අයිතියක් නොමැති බව අවධාරණය කළේය.
ජනතාව විසින් යම් කාලයට වත්මන් රජයට බලය ලබා දී ඇති පැවසු ආර්.සම්බන්ධන් “ආණ්ඩුව කුමන්ත්‍රණය කර ආණ්ඩුව පෙරළන්න බැහැ. අත්‍යාවශ්‍ය සේවා අඩාල කර ආණ්ඩුව පෙරළන්න බැහැ” යි සඳහන් කරන ලදී.
ජනතාවට අත්‍යාවශ්‍ය සේවාවන්ට ලැබීමේ හිමිකම කිසිවෙකුට අහිමි කල නොහැකි බව මෙන්ම රජයක් ලෙස මෙවැනි තීරණ ගැනීම අවශ්‍යයි යැයි ද විපක්ෂ නායකවරය වැඩිදුරටත් ප්‍රකාශ කළේය.
Facebook Comments
