ජාතිවාදය අවුස්සමින් දේශපාලන අරමුණු ඉෂ්ඨ කර ගැනීමට උත්සාහ දරන්නන් හට ඉදිරි මැතිවරණයේදී පිළිතුරු ලබා දෙන ලෙස සභානායකවරයා ඉල්ලා තිබේ.
එක්සත් ජාතික පක්ෂය සිංහල බෞද්ධයන්ට ප්‍රමුඛත්වය ලබා දෙන බව පෙන්වා දෙන අමාත්‍ය ලක්ෂ්මන් කිරිඇල්ල තම පක්ෂය අනෙක් ජනය කොටසක් වලට ද අයිති බව කියා සිටියේය.
අද විවිධ කොටස් උත්සාහ දරනවා මේ ජාතිවාදය අවුස්සන්න. සුළු ජාතීන්ට විරුද්ධව මහා ජාතිය අවසුසන්න. මොකද මේ අයට මැතිවරණය දිනන්න පුලුවන් එකම ක්‍රමය තමයි ජාතිවාදය අවසුසන එක. එක්සත් ජාතික පක්ෂය සිංහල බෞද්ධයන්ට ප්‍රමුඛස්ථානය දෙන අතර අපේ පක්ෂය ද්‍රවිඩ,මුස්ලිම්. ක්‍රිස්තියානි ජනතාවටත් අයිතියි. යනුවෙන් අමැතිවරයා පැවසීය.
අනවශ්‍ය ප්‍රශ්න ඇති කරමින් ජාතිවාදය අවුස්සමින් බලය ලබා ගැනීමට උත්සාහ දරන අයවලුන්ට ඉදිරි මැතිවරණයේදී “හොඳ පාඩමක්” උගන්වන ලෙස ද අමාත්‍යවරයා ඉල්ලීමක් කළේය.
වත්මන් රජය ජාත්‍යන්තරය සමඟ එක්ව වැඩ කටයුතු කරමින් මුලික මිනිස් අයිතිවාසිකම් ආරක්ෂා කිරීමට ද කැපවී සිටින බව සභානායක අමාත්‍ය ලක්ෂ්මන් කිරිඇල්ල වැඩි දුරටත් කියා සිටියේය.
Facebook Comments
